Begin typing your search above and press return to search.
exit_to_app
exit_to_app
Posted On
date_range 1 March 2022 5:39 AM IST Updated On
date_range 1 March 2022 5:39 AM ISTദേശീയ വിദ്യാഭ്യാസനയം: കേന്ദ്ര വാഴ്സിറ്റിയിൽ വി.സിമാരുടെ സമ്മേളനം
text_fieldsbookmark_border
നാലിന് രാവിലെ ഒമ്പതരക്ക് കേന്ദ്ര വിദ്യാഭ്യാസ സഹമന്ത്രി ഉദ്ഘാടനം ചെയ്യും കാസർകോട്: ദേശീയ വിദ്യാഭ്യാസനയം സർവകലാശാലകളിൽ നടപ്പാക്കുന്നതിന് മുന്നോടിയായി കാസർകോട് കേരള കേന്ദ്ര സർവകലാശാലയിൽ വൈസ് ചാൻസലർമാരുടെ സമ്മേളനം നടക്കും. മാർച്ച് മൂന്ന്, നാല് ദിവസങ്ങളിലായി നടക്കുന്ന സമ്മേളനത്തിൽ രാജ്യത്തെ വിവിധ സർവകലാശാലകളിലെ മുപ്പതോളം വി.സിമാർ പങ്കെടുക്കും. നാലിന് രാവിലെ ഒമ്പതരക്ക് കേന്ദ്ര വിദ്യാഭ്യാസ സഹമന്ത്രി ഡോ. സുഭാസ് സർക്കാർ സമ്മേളനം ഉദ്ഘാടനം ചെയ്യുമെന്ന് കേന്ദ്ര സർവകലാശാല വൈസ് ചാൻസലർ പ്രഫ. എച്ച്. വെങ്കടേശ്വർലു വാർത്തസമ്മേളനത്തിൽ അറിയിച്ചു. ദേശീയ വിദ്യാഭ്യാസനയം സംബന്ധിച്ച് സംസ്ഥാനത്ത് നടക്കുന്ന ഏറ്റവും വലിയ പരിപാടിയാണിതെന്ന് അദ്ദേഹം പറഞ്ഞു. പുതിയ വിദ്യാഭ്യാസനയം നടപ്പാക്കുന്നതിനുള്ള രൂപരേഖ സമ്മേളനത്തിൽ തയാറാക്കും. കേരളത്തിലെ മുഴുവൻ സർവകലാശാലകളിലെയും പുറമെ രാജ്യത്തെ പ്രമുഖ കേന്ദ്ര സർവകലാശാലകളിലെയും വി.സിമാരും വിദ്യാഭ്യാസ വിദഗ്ധരും പങ്കെടുക്കും. രജിസ്ട്രാർ ഡോ. എൻ. സന്തോഷ് കുമാർ, പബ്ലിക് റിലേഷൻസ് ഓഫിസർ കെ. സുജിത്ത് എന്നിവരും വാർത്തസമ്മേളനത്തിൽ പങ്കെടുത്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story