തിരിച്ചുവന്നു; തിരികെ പോകാനാകുമെന്ന പ്രതീക്ഷയിൽ

കോഴിക്കോട്​: റഷ്യക്ക്​ മുന്നിൽ യു​െക്രയിന്​ പിടിച്ചുനിൽക്കാനാകുമെന്ന ​പ്രതീക്ഷയിലാണ്​ ഞായറാഴ്​ച രാത്രി നാട്ടിൽ മടങ്ങിയെത്തിയ മെഡിക്കൽ വിദ്യാർഥികൾക്ക്​. സ്​​​േലാവാക്യയു​ടെയും ഹംഗറിയുടെയും അതിർത്തിയിലുള്ള ഉൽഹറോദിലെ നാഷനൽ യൂനിവേഴ്​സിറ്റിയിൽ പഠിക്കുന്ന വിദ്യാർഥികളിലെ കോഴിക്കോട്​ സ്വദേശികളായ മൂന്നു​ പേരും നാട്ടിലെത്തി. മുണ്ടിക്കൽ താഴം സ്വദേശി മുഹമ്മദ്​ മിഥിലാജ്​, പൊക്കുന്ന്​ സ്വദേശി മുഹമ്മദ്​ ഷാദിൽ, വടകര സ്വ​ദേശി അമർ ശങ്കർ എന്നിവരാണ്​ കോഴിക്കോട്ടുകാർ. കഴിഞ്ഞ ഡിസംബർ ഒമ്പതിനാണ്​ ബിരുദപഠനത്തിനായി ഇവർ യു​െക്രയി​നിലെത്തിയത്​. രണ്ടാം സെമസ്റ്റർ ക്ലാസുകൾ തുടങ്ങിയ സമയത്താണ്​ യുദ്ധം പൊട്ടിപ്പുറപ്പട്ടത്​. ഉൽഹറോദിൽ കാര്യമായ പ്രശ്​നങ്ങളില്ലായിരുന്നു. ഭക്ഷണത്തിനോ വെള്ളത്തിനോ ക്ഷാമമില്ലായിരുന്നെന്നും വിദ്യാർഥികൾ പറഞ്ഞു. ശനിയാഴ്ച രാവിലെയാണ്​ സർവകലാശാല അധികൃതർ ഏർപ്പാടാക്കിയ ബസിൽ സംഘം ഹംഗറിയു​ടെ തലസ്ഥാനമായ ബുഡപെസ്റ്റിലെത്തിയത്​. ഇന്ത്യൻ അംബാസഡർ അടക്കമുള്ളവർ സ്വീകരിക്കാനെത്തിയിരുന്നു. കാര്യമായ ബുദ്ധിമുട്ടില്ലാതെ നാട്ടിലെത്താൻ പറ്റിയതി‍ൻെറ സന്തോഷമുണ്ട്​. രണ്ടാം സെമസ്റ്ററിൽ ക്ലാസുകൾ ഇനി ഓൺലൈനിലായിരിക്കും. പ്രശ്​നങ്ങളെല്ലാം തീർന്ന്​ തിരിച്ചുപോകാൻ കഴിയുമെന്നാണ്​ പ്രതീക്ഷ. യു​െക്രയിൻ ഇൗ പോരാട്ടത്തിൽ പിടിച്ചുനിൽക്കു​മെന്ന്​ കരുതുന്നതായും വിദ്യാർഥികൾ പറഞ്ഞു. ഡൽഹിയിൽനിന്ന്​ സംസ്ഥാന സർക്കാറി‍ൻെറ ചെലവിലാണ്​ ഇവർ കരിപ്പൂരിലെത്തിയത്​.