'സിയസ്​കൊ നടപടി അംഗീകരിക്കില്ല'

കോഴിക്കോട്​: കുറ്റിച്ചിറ സിയസ്കൊവിൽനിന്ന് പുറത്താക്കിയ നടപടി അംഗീകരിക്കില്ലെന്നും ഇതിനെതിരെ നിയമ നടപടിയുമായി മുന്നോട്ടു നീങ്ങുമെന്നും സിയസ്കൊ മുൻ ജനറൽ സെക്രട്ടറികൂടിയായ എം.വി. റംസി ഇസ്മായിൽ. 36 വർഷമായി സിയസ്കൊയുടെ വിവിധ പദവികൾ വഹിച്ച താൻ ആജീവനാന്ത അംഗംകൂടിയാണ്. ഒട്ടേറെ വിഷയങ്ങളിൽ സിയസ്​കൊ അംഗങ്ങളിൽ പലർക്കും കടുത്ത വിയോജിപ്പുണ്ട്. ഇതു സംബന്ധിച്ച്​ കോടതി നടപടികൾ നിലനിൽക്കുകയാണ്. ഇതിൽനിന്ന് ശ്രദ്ധ തിരിക്കാനാണ് കഴിഞ്ഞ ഭരണ സമിതിയുടെ നീക്കമെന്നും റംസി ഇസ്മായിൽ അറിയിച്ചു.