കുതിരവട്ടം പപ്പുവിന്​ സ്മാരകം വേണം

കോഴി​ക്കോട്​: നഗരത്തിൽ കുതിരവട്ടം പപ്പുവിന്​ സ്മാരകം വേണമെന്ന്​ അദ്ദേഹത്തിന്‍റെ ചരമവാർഷികദിനത്തിൽ സിനി ക്രിയേഷൻ ഓഫ്​ ഇന്ത്യ സംഘടിപ്പിച്ച അനുസ്മരണ കൺവെൻഷൻ ആവശ്യപ്പെട്ടു. കോർപറേഷൻ ഇതിന്​ മുന്നിട്ടിറങ്ങണം. അടുത്ത കൊല്ലം മുതൽ നല്ല ഹാസ്യനടന്​ പപ്പു സ്മാരക പുരസ്​കാരം നൽകും. സുമതി വാര്യർ ഉദ്​ഘാടനം ചെയ്തു. രാമദാസ്​ വേങ്ങേരി അധ്യക്ഷത വഹിച്ചു. ദാസൂട്ടി പുതിയറ, സ്​മിത ചേളന്നൂർ, റഫീഖ്​ പൂക്കാട്​, മണി പാലാഴി, ശാരദ പാലത്ത്​, ടി.വി. ബാലൻ, റാണി സർദാർ, കെ. പ്രിയങ്ക, സുഭദ്ര മലയമ്മ എന്നിവർ സംസാരിച്ചു.