ജോയന്‍റ്​ ആർ.ടി.ഒ ഓഫിസിൽ വിജിലൻസ്​ പരിശോധന

കോഴിക്കോട്​: ജോയന്‍റ്​ ആർ.ടി.ഒ ഓഫിസിൽ വിജിലൻസ്​ പരിശോധന നടത്തി. കോഴിക്കോട്​ സിവിൽ സ്​റ്റേഷനിലെ ഓഫിസിൽ ശനിയാഴ്ച ​​വൈകീട്ട്​​ നാലോടെ തുടങ്ങിയ പരിശോധന അഞ്ചരവരെ നീണ്ടു. രഹസ്യ വിവരത്തിന്‍റെ അടിസ്ഥാനത്തിലായിരുന്നു പരിശോധനയെങ്കിലും ക്രമക്കേടുകളൊന്നും കണ്ടെത്തിയില്ലെന്നാണ്​ വിവരം. അതേസമയം, വിവിധ സേവനങ്ങളിലെ കാലതാമസം സംബന്ധിച്ച വിവരങ്ങൾ ഉദ്യോഗസ്ഥർ ശേഖരിച്ചു. ഇൻസ്​പെക്ടർ മനോജ്​ കുമാറിന്‍റെ നേതൃത്വത്തിലായിരുന്നു പരിശോധന.