ചങ്ങരോത്ത് റോഡുകൾ തുറന്നു

പാലേരി: ചങ്ങരോത്ത് ഗ്രാമ പഞ്ചായത്ത് ദേശീയ ഗ്രാമീണ തൊഴിലുറപ്പ് പദ്ധതിയിൽ ഉൾപ്പെട്ട മൂന്ന് റോഡുകളുടെ ഉദ്ഘാടനം വാർഡ് മെംബർ സെഡ്.എ. സൽമാൻ നിർവഹിച്ചു. വാഴയിൽമുക്ക്-ചമ്പേരി റോഡ്, കരിമ്പാലക്കണ്ടി റോഡ്, ചമ്പാട്ടുകണ്ടി റോഡ് എന്നിവയുടെ ഉദ്ഘാടനമാണ് നടന്നത്. എൻ. കെ. കൈലാസൻ, ഹരീന്ദ്രൻ വാഴയിൽ, വി.പി. അസീസ്, അശോകൻ മുടപ്പിലോട്ട് എന്നിവർ സംസാരിച്ചു. അസീസ് കരിമ്പാലക്കണ്ടി സ്വാഗതവും അനില തട്ടാംകണ്ടി നന്ദിയും പറഞ്ഞു. ഫോട്ടോ: ചങ്ങരോത്ത് ഗ്രാമ പഞ്ചായത്ത് പതിനെട്ടാം വാർഡിൽ ദേശീയ ഗ്രാമീണ തൊഴിലുറപ്പ് പദ്ധതിയിലൂടെ പൂർത്തീകരിച്ച റോഡുകളുടെ ഉദ്ഘാടനം വാർഡ് മെംബർ സെഡ്.എ. സൽമാൻ നിർവഹിക്കുന്നു