കിടത്തിച്ചികിത്സ ആരംഭിക്കണം

നാദാപുരം : പുറമേരി പഞ്ചായത്തിലെ അരൂരിൽ കിടത്തിച്ചികിത്സ ആരംഭിക്കണമെന്ന് എൻ.സി.പി പുറമേരി മണ്ഡലം പ്രവർത്തകയോഗം ആവശ്യപ്പട്ടു. ഈ പ്രദേശത്തെ രോഗികൾ ഇന്നും കിലോമീറ്ററുകൾ അകലെയുള്ള വടകരയെയോ നാദാപുരത്തെയോ ആശ്രയിക്കേണ്ട സ്ഥിതിയാണ്. യോഗത്തിൽ കെ. ഗംഗാധരൻനമ്പ്യാർ അധ്യക്ഷത വഹിച്ചു. പി. രാധാകൃഷ്ണൻ ഉദ്ഘാടനം ചെയ്തു. കുന്നോത്ത് രാധാകൃഷ്ണൻ, ടി.കെ. രാഘവൻ, കെ. രാമചന്ദ്രൻ , എ.ടി. സുനി, നല്ലൂർ കുഞ്ഞികൃഷ്ണൻ, ഒ. നാണു എന്നിവർ സംസാരിച്ചു.