ലഹരി ഉപയോഗത്തിനെതിരെ ബോധവത്​കരണം

കണ്ണാടിക്കൽ: പാറോപ്പടി - കണ്ണാടിക്കൽ റോഡിൽ പുഞ്ച കേന്ദ്രീകരിച്ചുള്ള ലഹരി ഉപയോഗം വ്യാപകമായതിനെ തുടർന്ന് ബോധവത്കരണ പരിപാടി സംഘടിപ്പിച്ചു. വിവിധ ഭാഗങ്ങളിൽനിന്ന്​ യുവതീയുവാക്കൾ പ്രദേശം കേന്ദ്രീകരിച്ച് ലഹരി ഉപയോഗവും വിൽപനയും നടത്തുന്നത് ശ്രദ്ധയിൽപ്പെട്ടതിനെ തുടർന്നാണ് ബോധവത്കരണം നടത്തിയത്​. സാമൂഹികവിരുദ്ധ പ്രവർത്തനങ്ങൾക്കെതിരെ ശക്തമായ നടപടി സ്വീകരിക്കുമെന്ന് ചേവായൂർ പൊലീസ് അറിയിച്ചു. ചേവായൂർ പൊലീസ്, കണ്ണാടിക്കൽ, സൗത്ത് ​റെസിഡൻറ്​സ് അസോസിയേഷൻ, വിവിധ രാഷ്ട്രീയ പാർട്ടികൾ എന്നിവയുടെ നേതൃത്വത്തിലാണ് ബോധവത്കരണ പരിപാടി സംഘടിപ്പിച്ചത്. ചേവായൂർ പൊലീസ്​ ഇൻസ്​പെക്ടർ ചന്ദ്രമോഹൻ ഉദ്ഘാടനം ചെയ്തു.