ഗിരീഷ് പുത്തൻഞ്ചേരിക്ക് അർഹമായ അംഗീകാരം കിട്ടിയില്ല

കോഴിക്കോട്​: കൈക്കുടന്ന നിറയെ പാട്ടിന്‍റെ തിരുമധുരം മലയാളികൾക്ക് നൽകിയ ഗിരീഷ് പുത്തൻഞ്ചേരിക്ക് അർഹമായ അംഗീകാരം കിട്ടിയിട്ടില്ലെന്ന്​ പുത്തൻഞ്ചേരിയുടെ ചരമ വാർഷികത്തോടനുബന്ധിച്ച് അളകാപുരിയിൽ നടന്ന അനുസ്മരണ സമ്മേളനം. മലയാളം കൾച്ചറൽ സൻെറർ സംഘടിപ്പിച്ച ചടങ്ങ് മനുഷ്യാവകാശ കമീഷൻ ജുഡീഷ്യൽ അംഗം ജഡ്​ജി കെ. ബൈജുനാഥ് ഉദ്ഘാടനം ചെയ്‌തു. പുത്തൻഞ്ചേരിക്ക് അർഹമായ അംഗീകാരം നൽകണമെന്നും വാഗ്‌ദാനങ്ങളിൽ മാത്രം ഒതുങ്ങരുതെന്നും അദ്ദേഹം അഭിപ്രായപ്പെട്ടു. പ്രസിഡന്റ്​​ അഡ്വ.എം.രാജൻ അധ്യക്ഷത വഹിച്ചു. നവാസ് പൂനൂർ, സിനിമ നിർമാതാവ് വി.പി. മാധവൻ നായർ, വിൽസൺ സാമുവൽ, എ.കെ. മുഹമ്മദലി, പുത്തൂർമഠം ചന്ദ്രൻ, സി.രമേശ്, അഡ്വ.എ. കരുണാകരൻ, ഇ.അനേഷ് കുമാർ, സി.ഇ. ചാക്കുണ്ണി എന്നിവർ സംസാരിച്ചു.