ടി.കെ. ബാലൻ മാസ്റ്റർക്ക് സ്മരണാഞ്ജലി

നന്മണ്ട: ഡി.സി.സി നിർവാഹക സമിതി അംഗവും മുൻ ബാലുശ്ശേരി ബ്ലോക്ക്​ കോൺഗ്രസ് പ്രസിഡന്റും പെൻഷനേഴ്സ് അസോസിയേഷൻ സംസ്ഥാന നിർവാഹക സമിതി അംഗവുമായിരുന്ന ടി.കെ. ബാലൻ മാസ്റ്റർക്ക് നാടിന്റെ സ്മരണാഞ്ജലി. അനുസ്മരണ സമ്മേളനവും പുഷ്പാർച്ചനയും ഡി.സി.സി പ്രസിഡന്റ്​ അഡ്വ. കെ. പ്രവീൺ കുമാർ ഉദ്ഘാടനം ചെയ്തു. അനുസ്മരണ സമിതി ചെയർമാൻ മഹേഷ് കൂളിപ്പൊയിൽ അധ്യക്ഷത വഹിച്ചു. പ്രേം നസീർ പുരസ്കാരജേതാവ് സുധൻ നന്മണ്ടയെ ആദരിച്ചു. നിജേഷ് അരവിന്ദ്, ടി.കെ. രാജേന്ദ്രൻ, കാവിൽ പി. മാധവൻ, ഐ.പി. രാജേഷ്, കെ. രാമചന്ദ്രൻ, വിശ്വൻ നന്മണ്ട, രാജീവൻ കൊളത്തൂർ, ഇ.കെ. രാജീവൻ, കെ.കെ. മൊയ്തീൻകോയ എന്നിവർ സംസാരിച്ചു. പടം : കോൺഗ്രസ് നേതാവ് ടി.കെ. ബാലൻ മാസ്റ്റർ അനുസ്മരണം ഡി.സി.സി പ്രസിഡൻറ് അഡ്വ. കെ. പ്രവീൺ കുമാർ നിർവഹിക്കുന്നു