കർഷകർക്ക്‌ ജൈവ വളം വിതരണം ചെയ്തു

ഓമശ്ശേരി: ഭാരതീയ പ്രകൃതി കൃഷി പദ്ധതി പ്രകാരം ഓമശ്ശേരിയിൽ കർഷകർക്ക്‌ ജൈവവളം സൗജന്യമായി വിതരണം ചെയ്തു. പ്രകൃതി കൃഷിപദ്ധതിയിൽ അപേക്ഷ സമർപ്പിച്ച 150 പേർക്കാണ്‌ ജൈവ വളം നൽകിയത്‌. ഓമശ്ശേരി പഞ്ചായത്ത് പ്രസിഡന്റ് പി. അബ്ദുൽ നാസർ വിതരണോദ്ഘാടനം നിർവഹിച്ചു. വികസന സ്റ്റാൻഡിങ് കമ്മിറ്റി ചെയർമാൻ യൂനുസ്‌ അമ്പലക്കണ്ടി അധ്യക്ഷത വഹിച്ചു. പഞ്ചായത്ത്‌ അംഗം പി. ഇബ്രാഹിം ഹാജി, യു.കെ. അബു ഹാജി, ഒ.എം. ശ്രീനിവാസൻ നായർ, ദാമോദരൻ മാസ്റ്റർ, രാജഗോപാലൻ, കൃഷി അസിസ്റ്റന്റുമാരായ രാഗിത കിരൺ, കെ.എസ്‌. നളിനി എന്നിവർ സംസാരിച്ചു. കൃഷി ഓഫിസർ പി.പി. രാജി സ്വാഗതവും കൃഷി അസി. കെ. വിനോദ്‌ പോൾ നന്ദിയും പറഞ്ഞു. ഫോട്ടോ: ഭാരതീയ പ്രകൃതി കൃഷി പദ്ധതിയുടെ ഭാഗമായി ഓമശ്ശേരിയിൽ കർഷകർക്ക്‌ സൗജന്യമായി നൽകുന്ന ജൈവ വളത്തിന്റെ വിതരണോദ്ഘാടനം പ്രസിഡന്റ് പി. അബ്ദുൽ നാസർ നിർവഹിക്കുന്നു.