സ്റ്റേറ്റ് മുക്ക് - കക്കയം റോഡോരത്തെ കാട് വാഹനങ്ങൾക്ക് അപകടഭീഷണി

ബാലുശ്ശേരി: എസ്റ്റേറ്റ് മുക്ക് - കക്കയം റോഡിൽ തെച്ചി - മരുത് ചുവട്ടിലെ വളവിൽ റോഡരികിൽ കാട് വളർന്ന് കാഴ്ച മറയ്ക്കുന്നത് വാഹനങ്ങൾക്ക് അപകട ഭീഷണിയാകുന്നു. നാട്ടുകാർ പൊതുമരാമത്ത് വകുപ്പ്, പഞ്ചായത്ത് എന്നിവർക്ക് പരാതികൾ നൽകിയെങ്കിലും ഒരു നടപടിയും എടുത്തിട്ടില്ല. കോഴി അവശിഷ്ടങ്ങളും മറ്റു മാലിന്യങ്ങളും ഇവിടെ നിക്ഷേപിക്കുന്നതും പതിവായിട്ടുണ്ട്. നിരവധി വാഹനങ്ങളാണ് ഈ വഴി കടന്നുപോകുന്നത്. കാടിന്റെ മറവ് കാരണം വാഹനങ്ങൾ പരസ്പരം മുഖത്തോടു മുഖം വരെയെത്തുന്ന അവസ്ഥയും ഉണ്ടാകാറുണ്ട്. തൊഴിലുറപ്പ് പദ്ധതിയിലുൾപ്പെടുത്തി കാട് വെട്ടിത്തെളിക്കാനുള്ള നടപടി ഉണ്ടാകണമെന്നാണ് നാട്ടുകാരുടെ ആവശ്യം.