ട്രാൻസ്ഫോർമറിന് തീപിടിച്ചത് പരിഭ്രാന്തി പരത്തി

വടകര: റോഡരികിലെ ട്രാൻസ്ഫോർമറിന് തീപിടിച്ചത് പരിഭ്രാന്തി പടർത്തി. ചൊവ്വാഴ്ച രാവിലെ 11 മണിയോടെയാണ് സംഭവം. മുനിസിപ്പാലിറ്റിക്ക് കീഴിൽ വടകര നോർത്ത് സെക്ഷൻ കോഴിത്തട്ട ട്രാൻസ്ഫോർമറിനാണ് തീപിടിച്ചത്. വൈദ്യുതി ഷോർട്ട് സർക്യൂട്ട് ആണ് തീപിടിത്തത്തിന് ഇടയാക്കിയതെന്ന് കരുതുന്നു. നാട്ടുകാർ വിവരമറിയിച്ചതിനെ തുടർന്ന് അഗ്നിരക്ഷാസേന സ്ഥലത്തെത്തി തീയണച്ച് അപകടം ഒഴിവാക്കി. സ്റ്റേഷൻ ഓഫിസർ കെ. അരുണി‍ൻെറ നേതൃത്വത്തിൽ ഫയർ റെസ്ക്യൂ ഓഫിസർമാരായ എം.കെ. ഗംഗാധരൻ, വി.സി. വിപിൻ, രാഗിൻ കുമാർ, വി.കെ. ആദർശ്, എം. ജാഹിർ, വി.ടി. ഹോംഗാർഡ് രാജീവൻ എന്നിവർ പങ്കെടുത്തു. ചിത്രം ട്രാൻസ്ഫോർമറിൽ ഉണ്ടായ തീപിടിത്തം അഗ്നിരക്ഷാസേന കെടുത്തുന്നു Saji 3