കെ.പി. കുഞ്ഞിരാമൻ മാസ്റ്റർ ചരമ വാർഷികം

വടകര: ഒഞ്ചിയത്തെ കെ.പി. കുഞ്ഞിരാമൻ മാസ്റ്ററുടെ ഒന്നാം ചരമവാർഷിക ദിനാചരണം ജനുവരി എട്ട്​, 11 തീയതികളിൽ സംഘടിപ്പിക്കുമെന്ന് സംഘാടക സമിതി ഭാരവാഹികൾ വാർത്ത സമ്മേളനത്തിൽ അറിയിച്ചു. ശിഷ്യരും നാട്ടുകാരും സഹപ്രവർത്തകരും പുരോഗമന കലാസാഹിത്യസംഘവും ഒത്തുചേർന്ന് ഓർക്കാട്ടേരിയിലാണ് അനുസ്മരണ ദിനാചരണം. എട്ടിന്​ രാവിലെ എട്ടിന് പുഞ്ചപ്പുഴയോരത്ത് അമ്പതോളം ചിത്രരചയിതാക്കൾ സംഗമിക്കുന ചിത്രകലാ ക്യാമ്പ് പ്രമുഖ ചിത്രകാരൻ മദനൻ ഉദ്ഘാടനം ചെയ്യും. വൈകീട്ട്​ നാലിന്​ ചിത്രങ്ങളുടെ പ്രദർശനം ഓർക്കാട്ടേരി കച്ചേരി മൈതാനിയിൽ നടക്കും. അനുസ്മരണ പ്രഭാഷണം ടി. പി. ബിനീഷും സാംസ്കാരിക സദസ്സ്​ ഡോ. അനിൽ ചേലേമ്പ്രയും ഉദ്ഘാടനം ചെയ്യും. മനോജ് നാരായണൻ സംവിധാനം ചെയ്ത കെ.പി.കെയുടെ തെരഞ്ഞെടുത്ത നാടകങ്ങളുടെ ദൃശ്യാവിഷ്കരണവും അരങ്ങേറും. 11നു രാവിലെ എട്ടിന്​ കെ.പി. കുഞ്ഞിരാമൻ മാസ്റ്ററുടെ സഹപ്രവർത്തകരും ശിഷ്യരും കുടുംബാംഗങ്ങളും സാംസ്കാരിക പ്രവർത്തകരും വീട്ടുമുറ്റത്ത് ഒത്തുചേർന്ന് അനുസ്മരണവും നടത്തും. വാർത്തസമ്മേളനത്തിൻ സംഘാടക സമിതി ജന. കൺവീനർ ഇ.കെ. കരുണാകരൻ, ചെയർമാൻ ഇല്ലത്ത് ദാമോദരൻ, പറമ്പത്ത് ബാബു, എൻ.കെ. പ്രഭാകരൻ, എം.കെ. വസന്തൻ എന്നിവർ പങ്കെടുത്തു.