കുറ്റ്യാടിയിൽ റോഡിലെ കുഴികൾ അടച്ചു

കുറ്റ്യാടി: ടൗണിൽ വാഹനയാത്രക്കാർക്ക് ദുരിതമായിരുന്ന നാദാപുരം റോഡിലെ കുഴികൾ മുഴുവൻ അടച്ചു. കുഴികൾ കാരണം അപകടം തുടർക്കഥയായതിനാൽ വിവിധ സംഘടനകളും പാർട്ടിക്കാരും പ്രതിഷേധിക്കുകയും അധികൃതർക്ക് നിവേദനം നൽകുകയും ചെയ്തിരുന്നു. പുതിയ ബസ് സ്​റ്റാൻഡ്​, ഗവ. ആശുപത്രി, സ്വകാര്യ ക്ലിനിക്ക് എന്നിവക്ക് സമീപമാണ് ഭീഷണിയായി കുഴികൾ രൂപപ്പെട്ടിരുന്നത്.