നയൻസ് ഫുട്ബാളിന് നാളെ​ തുടക്കം

മാവൂർ: ജവഹർ ഡേ ബോർഡിങ് സ്കൂൾ സംഘടിപ്പിക്കുന്ന അഖില കേരള അക്കാദമിക് നയൻസ് ഫുട്ബാൾ ടൂർണമൻെറിന് ചൊവ്വാഴ്ച മാവൂരിൽ തുടക്കമാകുമെന്ന് ഭാരവാഹികൾ അറിയിച്ചു. മാവൂർ പാടം സ്​റ്റേഡിയത്തിൽ നടക്കുന്ന ടൂർണമൻെറിൽ കേരളത്തിലെ വിവിധ ജില്ലകളിൽനിന്നായി 48 ടീമുകൾ മാറ്റുരക്കും. ജനനവർഷം 2006, 2008, 2009, 2010 എന്നിങ്ങനെ നാലു വിഭാഗങ്ങളിലാണ് മത്സരങ്ങൾ. ഫൈനൽ മത്സരങ്ങൾ 27ന് നടക്കും. വാർത്തസമ്മേളനത്തിൽ ക്ലബ് പ്രസിഡൻറ് കെ.ടി. അഹമ്മദ് കുട്ടി, സെക്രട്ടറി അഡ്വ. ഷമീം പക്സാൻ, കോച്ച് കെ.ടി. അഫ്സൽ ബാബു, ബിസ്ബിസ് മുജീബ്, പി. അഖിൽ മുഹമ്മദ്, പരപ്പൻ ബഷീർ എന്നിവർ പങ്കെടുത്തു.