ആത്മവിശ്വാസമാണ് ജീവിത വിജയത്തി​‍െൻറ അടിത്തറ - കെ.കെ. രമ

ആത്മവിശ്വാസമാണ് ജീവിത വിജയത്തി​‍ൻെറ അടിത്തറ - കെ.കെ. രമ വടകര: ആത്മവിശ്വാസമാണ് ജീവിത വിജയത്തി​‍ൻെറ അടിത്തറയെന്നും കൃത്യമായ ലക്ഷ്യബോധത്തോടെയും തയാറെടുപ്പോടെയും വിദ്യാഭ്യാസം ഫലപ്രദമായി നിർവഹിച്ചും ജീവിത നൈപുണികൾ ആർജിച്ചും മുന്നോട്ടു പോവാൻ വിദ്യാർഥികൾ തയാറാവണമെന്ന് കെ.കെ. രമ എം.എൽ.എ അഭിപ്രായപ്പെട്ടു. മടപ്പള്ളി വൊക്കേഷനൽ ഹയർ സെക്കൻഡറി സ്കൂളിൽ ന്യൂനപക്ഷ ക്ഷേമ വകുപ്പി​‍ൻെറ ആഭിമുഖ്യത്തിൽ വടകരയിലെ അഞ്ച് വിദ്യാലയങ്ങളിൽ നിന്നും തിരഞ്ഞെടുക്കപ്പെട്ട 100 വിദ്യാർഥികൾക്കായി സംഘടിപ്പിച്ച പാസ്​വേഡ് ദ്വിദിന വ്യക്തിത്വ വികസന കരിയർ ഗൈഡൻസ് ശിൽപശാല ഉദ്ഘാടനം ചെയ്യുകയായിരുന്നു അവർ. ഒഞ്ചിയം ഗ്രാമപഞ്ചായത്ത് പ്രസിഡൻറ്​ പി. ശ്രീജിത്ത് അധ്യക്ഷത വഹിച്ചു. ന്യൂനപക്ഷ യുവജന പരിശീലന കേന്ദ്രം പ്രിൻസിപ്പൽ ഡോ.പി.പി. അബ്​ദുൽ റസാഖ് പദ്ധതി വിശദീകരിച്ചു. ജില്ല പഞ്ചായത്ത് വിദ്യാഭ്യാസ സ്ഥിരംസമിതി അധ്യക്ഷ എൻ.എം. വിമല, മെംബർ ബിന്ദു വള്ളിൽ, പി.പി. ദിവാകരൻ, തഹസിൽദാർ ആഷിഖ് തോടാൻ , വില്ലേജ് ഓഫിസർ ധന്യ ബാലകൃഷ്ണൻ, ഹെഡ്മാസ്​റ്റർ കെ.കെ. വേണുഗോപാൽ, ഹയർ സെക്കൻഡറി പ്രിൻസിപ്പൽ ലക്ഷ്മി എന്നിവർ സംസാരിച്ചു. വി.എച്ച്.എസ് പ്രിൻസിപ്പൽ സി. സിജു സ്വാഗതവും പ്രോഗ്രാം കോഓഡിനേറ്റർ ടി.വി. അബ്​ദുൽ ഗഫൂർ നന്ദിയും പറഞ്ഞു. ചിത്രം മടപ്പള്ളി വൊക്കേഷനൽ ഹയർ സെക്കൻഡറി സ്കൂളിൽ ന്യൂനപക്ഷ ക്ഷേമ വകുപ്പ് സംഘടിപ്പിച്ച പാസ്​വേഡ് ദ്വിദിന വ്യക്തിത്വ വികസന കരിയർ ഗൈഡൻസ് ശിൽപശാല കെ.കെ. രമ എം.എൽ.എ ഉദ്ഘാടനം ചെയ്യുന്നു Saji 2