മാഫല മലൈബാർ പ്രദർശനം

മുക്കം: മലബാർ സമരത്തി​‍ൻെറ നൂറാം വാർഷികത്തോടനുബന്ധിച്ച് ചേന്ദമംഗലൂരിൽ ജി.ഐ.ഒ മാഫല മലൈബാർ എന്ന പേരിൽ എക്സിബിഷൻ സംഘടിപ്പിച്ചു. ജില്ലാ സമിതി അംഗം ഒ. രിസാന ഉദ്ഘാടനംചെയ്തു. മലബാർ സമരത്തിലെ സ്ത്രീ പങ്കാളിത്തത്തെ മുഖ്യമായും ചിത്രീകരിച്ചുകൊണ്ടാണ് പ്രദർശനം ഒരുക്കിയത്. ജമാഅത്തെ ഇസ്​ലാമി വനിതാവിഭാഗം പ്രസിഡൻറ്​ പി.വി. റഹ്മാബി, ടി. ശാകിർ, ജൽവ മെഹർ, മുക്കം മുനിസിപ്പാലിറ്റി കൗൺസിലർമാരായ സാറ കൂടാരം, ഫാത്തിമ കൊടപ്പന തുടങ്ങി നിരവധിയാളുകൾ സന്ദർശിച്ചു. റുഷ്ദ സൈനബ്, ഷംന തുടങ്ങിയവർ നേതൃത്വം നൽകി.