ഇ-ശ്രം പോർട്ടലിൽ രജിസ്​റ്റർ ചെയ്യാൻ അവസരം

വടകര: അസംഘടിത മേഖലയിൽ തൊഴിൽ ചെയ്യുന്നവർക്ക്‌ ഇ-ശ്രം പോർട്ടലിൽ രജിസ്​റ്റർ ചെയ്യാൻ നഗരസഭയിലെ ഒന്നു മുതൽ 20 വരെയുള്ള വാർഡുകളിലുള്ള അസംഘടിത തൊഴിലാളികൾക്കായി നഗരസഭ ക്യാമ്പ് സംഘടിപ്പിക്കുന്നു. ഞായറാഴ്​ച രാവിലെ 10 മുതൽ ഉച്ചക്ക് രണ്ടുവരെ നഗരസഭ ടൗൺ ഹാളിലാണ് ക്യാമ്പ്. ക്യാമ്പിൽ പങ്കെടുക്കുന്ന 16-59 പ്രായമുള്ളവർ ആധാർ കാർഡ്, ആധാർ ലിങ്ക് ചെയ്ത മൊബൈൽ ഫോൺ, ആധാറുമായി ലിങ്ക് ചെയ്ത ബാങ്ക് പാസ്​ ബുക്ക്, നോമിനിയുടെ പേരും ജനന തീയതിയും സഹിതമാണ് ഹാജരാകേണ്ടത്. ആദായ നികുതി അടക്കുന്നവരും ഇ.പി.എഫ്.ഒ, ഇ.എസ്.ഐ എന്നിവയിൽ അംഗമായവരും രജിസ്​റ്റർ ചെയ്യേണ്ടതില്ല.