ഊട്ടേരിയിൽ സ്​മാർട്ട് വൈഫൈ കേന്ദ്രം

അരിക്കുളം: ഗ്രാമപഞ്ചായത്തിലെ സമ്പൂർണ വൈ ഫൈ 'സ്മാർട്ട് 'പദ്ധതിയുടെ ഉദ്ഘാടനം ഊട്ടേരി മീത്തലേരി അംഗൻവാടിയിൽ മുൻ ഗ്രാമപഞ്ചായത്ത് പ്രസിഡൻറ്​ എ.കെ.എൻ. അടിയോടി നിർവഹിച്ചു. ഇതോടെ പ്രദേശത്തെ എല്ലാ വിദ്യാർഥികൾക്കും ഓൺലൈൻ പഠന സൗകര്യം ലഭ്യമാവും. വികസന സ്​റ്റാൻഡിങ്​ കമ്മിറ്റി ചെയർമാൻ എം. പ്രകാശൻ അധ്യക്ഷത വഹിച്ചു. സി. രവീന്ദ്രൻ, എം. ശാന്ത, ടി. സാവിത്രി, പ്രധാനാധ്യാപിക സീന, ടി.കെ. ശശി, എ.എം. നിതിൻ ലാൽ, എൻ.കെ. ബിജിഷ്, വി.പി. ശങ്കരൻ, എ. ലസിത, പുഷ്പ എന്നിവർ സംസാരിച്ചു.