ഡൽഹി ബലാത്സംഗക്കൊല മുഴുവൻ പ്രതികളെയും അറസ്​റ്റ്​ ചെയ്യണം

ഡൽഹി ബലാത്സംഗക്കൊല മുഴുവൻ പ്രതികളെയും അറസ്​റ്റ്​ ചെയ്യണം കോഴിക്കോട്: ഡൽഹി പൊലീസ് സിവിൽ ഡിഫൻസിൽ ജോലിചെയ്​ത സർക്കാർ ഉദ്യോഗസ്ഥയായ യുവതി ക്രൂരമായി കൊലചെയ്യപ്പെട്ട് 10 ദിവസമായിട്ടും മുഴുവൻ പ്രതികളെയും അറസ്​റ്റ്​ ചെയ്യാത്തത് അങ്ങേയറ്റം പ്രതിഷേധാർഹമാണെന്ന്​ സോളിഡാരിറ്റി ജില്ല സെക്രട്ടേറിയറ്റ്. ദേശീയ മാധ്യമങ്ങളടക്കം ഈ വിഷയത്തിൽ കാണിക്കുന്ന മൗനം അവസാനിപ്പിക്കണമെന്നും ഇരയാക്കപ്പെട്ട പെൺകുട്ടിയുടെ കുടുംബത്തിന് നഷ്​ടപരിഹാരവും നീതിയും ലഭിക്കാൻ രംഗത്തിറങ്ങണമെന്നും ആവശ്യപ്പെട്ടു. ജില്ല പ്രസിഡൻറ്‌ നൂഹ് ചേളന്നൂർ, ജനറൽ സെക്രട്ടറി ഷാഹുൽ ഹമീദ് കക്കോടി, അമീർ കൊയിലാണ്ടി, അമീൻ മുയിപ്പോത്ത്, നസീഫ് തിരുവമ്പാടി എന്നിവർ സംസാരിച്ചു.