പ്രവാസി വെൽഫെയർ ഫോറം സമ്മേളനം

കൊയിലാണ്ടി: പ്രവാസി നാട്ടുകാരനാണ് എന്ന പ്രമേയം ഉയർത്തി പ്രവാസി വെൽഫെയർ ഫോറം സമ്മേളനം നടന്നു. പ്രവാസി വെൽഫെയർ ഫോറം സംസ്ഥാന പ്രസിഡൻറ് റസാഖ്​ പാലേരി ഉദ്ഘാടനം ചെയ്തു. വെൽഫെയർ പാർട്ടി ജില്ല പ്രസിഡൻറ് അസ്​ലം ചെറുവാടി മുഖ്യപ്രഭാഷണം നടത്തി. ഫോറം മണ്ഡലം പ്രസിഡൻറ്​ മിനാർ മുഹമ്മദ് ഹാജി അധ്യക്ഷത വഹിച്ചു. സെക്രട്ടറി പി.കെ. അബ്​ദുല്ല സ്വാഗതവും ജോ. സെക്രട്ടി എം.കെ. മുസ്തഫ നന്ദിയും പറഞ്ഞു. വിവിധ സെഷനുകളിലായി ഫോറം ജില്ല പ്രസിഡൻറ് യൂസുഫ് മൂഴിക്കൽ, ജില്ല സെക്രട്ടറി കെ.സലാഹുദ്ദീൻ, വെൽഫെയർ പാർട്ടി മണ്ഡലം പ്രസിഡൻറ്​ മുജീബലി, വുമൺ ജസ്​റ്റിസ് ഫോറം സംസ്ഥാന സെക്രട്ടറി ചന്ദ്രിക കൊയിലാണ്ടി, ഫ്രറ്റേണിറ്റി മണ്ഡലം കൺവീനർ ഹിബത്തുല്ല പുറക്കാട്, സിറാജ് കുപ്പച്ചൻ എന്നിവർ പങ്കെടുത്തു. വഫ ഇഹ്സാന, ഹുദ ഹാഷിം എന്നിവരുടെ ഗാനവിരുന്നും നടന്നു.