ആരോഗ്യപ്രവർത്തകർക്കു നേരെയുള്ള കൈയേറ്റശ്രമങ്ങളിൽ കർശന നടപടി

കോഴിക്കോട്: കോവിഡ് ഡ്യൂട്ടിയിലുള്ള ആരോഗ്യപ്രവർത്തകർക്കുനേരെ അപമര്യാദയായി പെരുമാറുന്നവർക്കെതിരെ കർശന നടപടി സ്വീകരിക്കുമെന്ന് ജില്ല കലക്ടർ ഡോ. എൻ. തേജ് ലോഹിത് റെഡ്​ഡി. ആശുപത്രി ജീവനക്കാരോട് മോശമായി പെരുമാറുന്നതായും കൈയേറ്റത്തിന് ശ്രമിക്കുന്നതായും പരാതികൾ ലഭിക്കുന്നുണ്ട്. ഒന്നരവർഷത്തിലധികമായി കോവിഡ് രോഗ പ്രതിരോധ പ്രവർത്തനങ്ങളിൽ ആത്മാർഥതയോടെ പ്രവർത്തിച്ചു വരുകയാണ് ജില്ലയിലെ ആരോഗ്യപ്രവർത്തകർ. ഇവർക്കുനേരെയുള്ള കൈയേറ്റശ്രമങ്ങൾക്കെതിരെ കർശന നടപടി സ്വീകരിക്കാൻ പൊലീസിന് നിർദേശം നൽകിയിട്ടുണ്ടെന്ന് കലക്ടർ അറിയിച്ചു.