സി.പി.ഐ അനുസ്​മരണം

നാദാപുരം: വിലങ്ങാട് ആലിമൂലയിൽ ഉരുൾപൊട്ടൽ ദുരന്തത്തിൽ മരിച്ച സി.പി.ഐ വിലങ്ങാട് ബ്രാഞ്ച് അംഗം കുറ്റിക്കാട്ടിൽ ബെന്നി, ഭാര്യ മേരിക്കുട്ടി, മകൻ അഖിൽ, അയൽവാസി ലിസി എന്നിവരുടെ ഓർമകൾ പുതുക്കി സി.പി.ഐ വിലങ്ങാട്ട് അനുസ്​മരണ യോഗം നടത്തി. അനുസ്​മരണ യോഗം സി.പി.ഐ നാദാപുരം മണ്ഡലം സെക്രട്ടറി അഡ്വ. പി. ഗവാസ് ഉദ്ഘാടനം ചെയ്​തു. പി.കെ. ശശി അധ്യക്ഷത വഹിച്ചു. സി.പി.ഐ മണ്ഡലം കമ്മിറ്റി അംഗങ്ങളായ രാജു അലക്സ്, വി.പി. ശശിധരൻ, വാർഡ് അംഗം ജാൻസി കൊടിമരത്തിങ്ങൽ, ലോക്കൽ അസി. സെക്രട്ടറി ജലീൽ ചാലക്കണ്ടി, സി.എച്ച്. ശങ്കരൻ മാസ്​റ്റർ എന്നിവർ സംസാരിച്ചു.