സമാന്തര ടെലിഫോൺ എക്സ്ചേഞ്ച്: മുഖ്യ സൂത്രധാരൻ റിമാൻഡിൽ

കോഴിക്കോട്​: സമാന്തര ടെലിഫോൺ എക്സ്ചേഞ്ച് കേസിൽ മുഖ്യസൂത്രധാരൻ റിമാൻഡിൽ. മലപ്പുറം സ്വദേശി ഇബ്രാഹീം പുല്ലാട്ടിനെയാണ്​ കോഴിക്കോട് ജുഡീഷ്യൽ ഫസ്​റ്റ്​ ക്ലാസ് മജിസ്ട്രേട്ട്​ 14 ദിവസത്തേക്ക് റിമാൻഡ് ചെയ്തത്. ഇയാളെ കസ്​റ്റഡിയിൽ വാങ്ങി ചോദ്യം ​െചയ്യുന്നതോ​ടെ എക്​സ്​ചേഞ്ചുകളുമായി ബന്ധപ്പെട്ട ദുരൂഹതകൾ പുറത്തുവരുമെന്നാണ്​ സി-ബ്രാഞ്ച് ​പറയുന്നത്. രാജ്യവിരുദ്ധ പ്രവർത്തനങ്ങളടക്കം സംശയിക്കുന്ന കേസാണിത്​. ബംഗളൂരുവിലെയും കോഴിക്കോട്ടെയും സമാന്തര ടെലിഫോൺ എക്സ്ചേഞ്ചുകളുടെ പിന്നിലെ ബുദ്ധികേന്ദ്രം ഇബ്രാഹീമാണെന്നാണ് ഇതുവരെയുള്ള അന്വേഷണത്തിൽ വ്യക്​തമായത്​. കോട്ടക്കൽ പൊലീസ്​ സ്​റ്റേഷൻ ആക്രമിച്ചതടക്കം കേസുകളിലെ പ്രതിയായ ഇയാളുടെ മുൻകാല പ്രവർത്തനങ്ങളും പരിശോധിച്ചുവരുകയാണ്​. ബംഗളൂരുവിൽ സൈനികനീക്കമടക്കം ചോർത്താൻ ശ്രമിച്ചെന്ന കുറ്റവും ഇയാൾക്കെതിരെ ചുമത്തിയിട്ടുണ്ട്​. കോഴിക്കോ​ട്ടേതിന്​ സമാനമായ കേസിൽ​ ബംഗളൂരു തീവ്രവാദ വിരുദ്ധ ​െസൽ ജൂണിൽ അറസ്​റ്റ്​ ​െചയ്​ത ഇയാൾ പരപ്പന അഗ്രഹാര ജയിലിലായിരുന്നു. കോഴിക്കോട്ട്​ പിടിയിലായ കൊളത്തറ സ്വദേശി ജുറൈസിൽനിന്നാണ്​ ബംഗളൂരു സംഘവുമായുള്ള ബന്ധം വ്യക്​തമായത്​​. തുടർന്ന്​ കേരള പൊലീസ് പ്രൊഡക്​ഷന്‍ വാറൻറിന് അപേക്ഷിച്ചതോടെ കൈമാറാന്‍ ബംഗളൂരു കോടതി അനുമതി നല്‍കിയതോടെയൊണ്​ പ്രതിയെ വിട്ടുകിട്ടിയത്​. കോഴിക്കോ​ട്ടെ സംഘത്തിന്​ ചൈനയിൽനിന്ന്​ ഉപകരണങ്ങളടകം ലഭ്യമാക്കിയത്​ ഇബ്രാഹീമാണെന്നാണ്​ അന്വേഷണസംഘത്തിന്​ ലഭിച്ച വിവരം. വെള്ളിയാഴ്​ച വിട്ടുകിട്ടിയ ഇബ്രാഹീമിനെ ശനിയാഴ്​ച രാവിലെയോടെയാണ്​ കോഴിക്കോ​ട്ടെത്തിച്ചത്​. അതേസമയം, കേസിൽ അറസ്​റ്റിലാവാനുള്ള മൂരിയാട്​ സ്വദേശികളായ ഷബീർ, പ്രസാദ്​ എന്നിവരെ ഇതുവരെ പിടികൂടാനായിട്ടില്ല. -സ്വന്തം ലേഖകൻ