ന്യൂനപക്ഷങ്ങളുടെ ഭയം ഇല്ലാതാക്കാന്‍ മോദിക്ക് കഴിഞ്ഞു -ഡോ. അബ്​ദുൽസലാം

കോഴിക്കോട്: ബി.ജെ.പിക്ക് കേരളം ഭരിക്കണമെങ്കില്‍ ന്യൂനപക്ഷങ്ങളുടെ പിന്തുണ ആവശ്യമാ​െണന്നും പാർട്ടിക്കെതിരെ ന്യൂനപക്ഷങ്ങള്‍ക്കിടയില്‍ ചിലര്‍ കൃത്രിമമായി ഉണ്ടാക്കിയ ഭയപ്പാട് ഇല്ലാതാക്കാന്‍ നരേന്ദ്ര മോദിക്ക് കഴിഞ്ഞുവെന്നും ബി.ജെ.പി ന്യൂനപക്ഷമോര്‍ച്ച ദേശീയ വൈസ് പ്രസിഡൻറ്​ ഡോ. അബ്​ദുൽസലാം. ബി.ജെ.പി ജില്ല കമ്മിറ്റിയും ന്യൂനപക്ഷമോര്‍ച്ചയും മാരാർജി ഭവനിൽ നല്‍കിയ സ്വീകരണത്തില്‍ സംസാരിക്കുകയായിരുന്നു അദ്ദേഹം. മുഴുവന്‍ ജനങ്ങളെയും ഒരുമിച്ചുകൊണ്ടുപോകുന്ന വികസന നയമാണ് മോദിക്കുള്ളത്. അതാണ് കഴിഞ്ഞ ദിവസം നടന്ന മന്ത്രിസഭ വികസനത്തിലും കണ്ടതെന്നും അദ്ദേഹം പറഞ്ഞു. ബി.ജെ.പി ജില്ല പ്രസിഡൻറ് അഡ്വ. വി.കെ. സജീവന്‍ അധ്യക്ഷത വഹിച്ചു.