പഠനോപകരണം വിതരണം

ആയഞ്ചേരി: ഓൺലൈൻ പഠനത്തിന് പ്രയാസമനുഭവിക്കുന്ന ആയഞ്ചേരി പഞ്ചായത്തിലെ പതിനൊന്നാം വാർഡിലെ വിദ്യാർഥിനിക്കു സഹായവുമായി യൂത്ത് കോൺഗ്രസ്‌ ആയഞ്ചേരി മണ്ഡലം കമ്മിറ്റി. യൂത്ത് കോൺഗ്രസി​ൻെറ നേതൃത്വത്തിലുള്ള യൂത്ത് കെയർ പ്രവർത്തകർ മൊബൈൽ ഫോൺ എത്തിച്ചു നൽകി. യൂത്ത് കോൺഗ്രസ്‌ മണ്ഡലം പ്രസിഡൻറ്​ നജീബ് ചോയിക്കണ്ടി പതിനൊന്നാം വാർഡ് അംഗം പി.എം. ലതികക്ക്​ മൊബൈൽ ഫോൺ കൈമാറി. യൂത്ത് കോൺഗ്രസ്‌ ഭാരവാഹികളായ ബിജേഷ്, അശ്വിൻ, ഹരീഷ്, ശ്രീഹരി വിഷ്ണു, അരുൺ, ലബീബ് തുടങ്ങിയവർ സംബന്ധിച്ചു.