വി.പി. ബാലൻ അനുസ്മരണം

പേരാമ്പ്ര: കോണ്‍ഗ്രസ് നേതാവും മുന്‍ ഗ്രാമപഞ്ചായത്ത് പ്രസിഡൻറുമായിരുന്ന വി.പി. ബാല​ൻെറ 16ാം ചരമവാര്‍ഷികം കോണ്‍ഗ്രസ് പ്രവര്‍ത്തകര്‍ ആചരിച്ചു. കാലത്ത് ശവകുടീരത്തില്‍ പുഷ്പാര്‍ച്ചന നടന്നു. തുടര്‍ന്ന് അനുസ്മരണയോഗം ഡി.സി.സി ജനറല്‍ സെക്രട്ടറി രാജന്‍ മരുതേരി ഉദ്ഘാടനം ചെയ്തു. മണ്ഡലം പ്രസിഡൻറ്​ പി.എസ്. സുനില്‍കുമാര്‍ അധ്യക്ഷത വഹിച്ചു. ബ്ലോക്ക് കോണ്‍ഗ്രസ് ജനറല്‍ സെക്രട്ടറി ഷാജു പൊന്‍പറ, ആര്‍.കെ. രജീഷ് കുമാര്‍, സലാം മരുതോറ, വി.പി. പ്രമോദ് എന്നിവര്‍ പങ്കെടുത്തു.