ബാലുശ്ശേരിയിൽ രണ്ട്​ വാർഡുകൾ കൂടി കണ്ടെയ്ൻമെൻറ്​

ബാലുശ്ശേരിയിൽ രണ്ട്​ വാർഡുകൾ കൂടി കണ്ടെയ്ൻമൻെറ്​ ബാലുശ്ശേരി: ബാലുശ്ശേരിയിൽ രണ്ട്​ വാർഡുകൾ കൂടി കണ്ടെയ്ൻമൻെറ്​ സോണാക്കി. 9, 11 വാർഡുകളാണ് കണ്ടെയ്ൻമൻെറ്​ സോണായത്​. ഇതോടെ പഞ്ചായത്തിലെ എട്ട് വാർഡുകൾ കണ്ടെയ്ൻമൻെറായി. നേരത്തേ 2,5,6,8,10,16 എന്നീ വാർഡുകൾ കണ്ടെയ്ൻമൻെറ്​ സോണായി പ്രഖ്യാപിച്ചിരുന്നു. ശനിയാഴ്ച സമ്പർക്കം വഴി 80 പേർക്ക് കോവിഡ് പോസിറ്റിവ് സ്ഥിരീകരിച്ചു. പഞ്ചായത്തിൽ 300ഓളം പേർ നിലവിൽ വീടുകളിൽ കോവിഡ് പോസിറ്റിവ് ചികിത്സയിലാണ്. ബാലുശ്ശേരി പൊലീസ് സ്​റ്റേഷനിലെ അഞ്ച്​ പൊലീസുകാർക്കും കഴിഞ്ഞ ദിവസം കോവിഡ് പോസിറ്റിവ് സ്ഥിരീകരിച്ചിട്ടുണ്ട്. നിയന്ത്രണങ്ങൾ കൂടുതൽ കർക്കശമാക്കാൻ പഞ്ചായത്ത് - ആരോഗ്യ വകുപ്പധികൃതർ തീരുമാനിച്ചിട്ടുണ്ട്. അടിയന്തരഘട്ടം നേരിടാൻ ജയ്റാണി പബ്ലിക്​ സ്കൂളിൽ 50 ബെഡുകളുള്ള കോവിഡ് ഡൊമിസിലറി കെയർ സൻെറർ ഡി.വൈ.എഫ്.ഐ മേഖല കമ്മിറ്റിയുടെ നേതൃത്വത്തിൽ ഒരുക്കിയിട്ടുണ്ട്. മേഖല സെക്രട്ടറി പി. ധൻരാജ്, പി. സനൂപ്, രാഹുൽ റാം എന്നിവർ നേതൃത്വം നൽകി. ക്രിട്ടിക്കൽ കണ്ടെയ്ൻമൻെറ്​ സോണായ പനങ്ങാട് പഞ്ചായത്തിൽ ശനിയാഴ്ച 18 പേർക്ക് കോവിഡ് പോസിറ്റിവ് സ്ഥിരീകരിച്ചു. 369 പേർ നിലവിൽ വീടുകളിൽ ചികിത്സയിൽ കഴിയുന്നുണ്ട്. പ്രതിരോധപ്രവർത്തനങ്ങൾ ഊർജിതമാക്കിയിട്ടുണ്ട്. കിനാലൂർ വ്യവസായ കേന്ദ്രത്തിലെ വിവിധ യൂനിറ്റുകിലേക്ക് പുറത്തുനിന്നും ആളുകൾ എത്തുന്നത് ഒഴിവാക്കണമെന്ന് അധികൃതർ നിർദേശം നൽകിയിട്ടുണ്ട്.