മക്കളെ തിരിച്ചുകിട്ടി; ദൈവത്തിന്​ സ്​തുതി പറഞ്ഞ് സാലിം

നരിക്കുനി: കാഴ്​ച ​ൈവകല്യമുള്ള സാലിം ഇനി തനിച്ചല്ല. തിരിച്ചുകിട്ടില്ല എന്നു കരുതിയ മക്കൾ തിരിച്ചുവന്നതി​‍ൻെറ സന്തോഷത്തിലാണിദ്ദേഹം. എരവന്നൂർ വെളുത്തേടത്ത് സാലിമി​‍ൻെറ ഭാര്യ മൂന്നുമക്കളുമായി കഴിഞ്ഞ 26ന് കാമുകനോടൊപ്പം പോവുകയായിരുന്നു. പൂവാട്ട​ുപറമ്പിലെ യുവാവാണ് ത​‍ൻെറ ഭാര്യയെയും മക്കളെയും തട്ടിക്കൊണ്ടുപോയതെന്ന് കാണിച്ച് സാലിം കാക്കൂർ പൊലീസിൽ പരാതി നൽകിയിരുന്നു. നാടും നാട്ടുകാരും ഒന്നടങ്കം ഈ യുവാവിനോടൊപ്പം ചേർന്നു. നാട്ടുകാരുടെ തിരച്ചിലിൽ ഭാര്യയെ കാമുകനൊപ്പം പിടികൂടി പൊലീസിൽ ഏൽപിച്ചു. കുടുംബ കോടതിയിൽ ഹാജരാക്കിയപ്പോൾ ഭാര്യയെ കാമുകനോടൊപ്പം പോവാൻ അനുവദിക്കുകയും മക്കളെ പിതാവായ സാലിമിന് വിട്ടുനൽകാനും കോടതി ഉത്തരവിട്ടു.