കുന്ദമംഗലത്ത് ഒമ്പത​ു വാർഡുകൾ കണ്ടെയിൻമെൻറ് സോണായി

കുന്ദമംഗലത്ത് ഒമ്പത​ു വാർഡുകൾ കണ്ടെയിൻമൻെറ് സോണായി കുന്ദമംഗലം: കുന്ദമംഗലം ഗ്രാമപഞ്ചായത്തിൽ നേരത്തെ അറിയിച്ച മൂന്ന് വാർഡുകൾക്ക് പുറമെ പുതുതായി ഒമ്പത് വാർഡുകൾകൂടി കണ്ടെയിൻമൻെറ് സോണുകളായി പ്രഖ്യാപിച്ചു. വാർഡ് നാല് പൊയ്യ, അഞ്ച് നൊച്ചിപ്പൊയിൽ, ആറ് ചൂലാംവയൽ, ഏഴ് മുറിയനാൽ, 13 ചാത്തൻകാവ് നോർത്ത്, 14 കുന്ദമംഗലം, 17 പൈങ്ങോട്ടുപുറം വെസ്​റ്റ്​, 20 കാരന്തൂർ ഈസ്​റ്റ്​, 21 കാരന്തൂർ നോർത്ത് വാർഡുകളാണ് കോവിഡ് വ്യാപനത്തി​ൻെറ പശ്ചാത്തലത്തിൽ ജില്ല കലക്ടർ കണ്ടെയിൻമൻെറ് സോണുകളാക്കിയത്. ഇവിടെ ഒരുതരത്തിലുമുള്ള കൂടിച്ചേരലുകളോ ഒത്തുചേരലുകളോ അനുവദിക്കുന്നതല്ല. ഇവിടേക്കുള്ള പ്രവേശനവും നിയന്ത്രിക്കുന്നതാണ്. കഴിഞ്ഞദിവസം കുന്ദമംഗലം ഗ്രാമപഞ്ചായത്തിൽ വാർഡ് രണ്ട് പടനിലം, 11 കുരിക്കത്തൂർ, 22 വെള്ളൂർ എന്നീ സ്ഥലങ്ങളെ കണ്ടെയിൻമൻെറ് സോണിൽ പെടുത്തിയിരുന്നു.