ബോംബ്​ നിർമാണം തകൃതി; തുടർ സ്​ഫോടനങ്ങളുടെ ഞെട്ടലിൽ കണ്ണൂർ

ബുധനാഴ്ച കതിരൂരിൽ ബോംബ്​ നിർമാണത്തിനിടെ യുവാവി​ൻെറ കൈപ്പത്തികൾ അറ്റതാണ്​ ഒടുവിലത്തെ സംഭവം കണ്ണൂർ: ഒരുകാലത്ത്​ രാഷ്​ട്രീയ കൊലപാതകങ്ങൾ സ്ഥിരമായിരുന്ന കണ്ണൂരിൽ രാഷ്​ട്രീയപാർട്ടികൾ വീണ്ടും സംഘർഷത്തിന്​ കോപ്പുകൂട്ടുന്നതായി സൂചന. പുറമെ ശാന്തമായിരിക്കു​േമ്പാഴും അണിയറയിൽ ആയുധശേഖരണം നടക്കുന്നതി​ൻെറ തെളിവാണ്​ തുടർച്ചയായുണ്ടാകുന്ന സ്​ഫോടനങ്ങൾ. ഒരിടവേളക്ക്​ ശേഷം ബോംബ്​ നിർമാണത്തിനിടെ സ്​ഫോടനമുണ്ടാകുന്നതും പരിക്കേൽക്കുന്നതും വർധിക്കുകയാണ്​. ബുധനാഴ്ച രാത്രി കതിരൂര്‍ നാലാം മൈലിൽ ബോംബ്​ നിർമാണത്തിനിടെ യുവാവി​ൻെറ കൈപ്പത്തികൾ അറ്റതാണ്​ ഒടുവിലത്തെ സംഭവം. കതിരൂര്‍ സ്വദേശിയും സി.പി.എം പ്രവർത്തകനുമായ നിജീഷിനാണ്​ ഗുരുതര പരിക്കേറ്റത്​. എട്ട്​ മാസം മുമ്പ്​ തലശ്ശേരിക്കടുത്ത് പൊന്ന്യത്ത്​ ബോംബ്​ സ്​ഫോടനത്തിൽ ഒരാൾക്ക്​ ഗുരുതര പരിക്കേറ്റിരുന്നു. പൊന്ന്യം പുഴയോട്​ ചേർന്ന ഷെഡിൽ​ ബോംബ്​ നിർമിക്കുന്നതിനിടെയാണ്​ പൊട്ടിത്തെറിയുണ്ടായത്​. അടുത്തദിവസം തന്നെ നടുവനാട് തളച്ചങ്ങാട് വീട്ടിൽ നിന്ന്​, ബോംബ് നിർമിക്കുന്നതിനിടെ പൊട്ടിത്തെറിയുണ്ടായി ഒരാൾക്ക്​ ഗുരുതര പരിക്കേറ്റിരുന്നു. പലപ്പോഴും പൊലീസിന്​ എളുപ്പത്തിൽ എത്താനാകാത്ത സ്ഥലങ്ങളിലാണ്​ ബോംബ്​ നിർമാണം. പുഴയോരങ്ങൾ, കുന്നുകൾ, വയലുകൾ, തോട്ടങ്ങൾ, നിർമാണം നടക്കുന്ന കെട്ടിടങ്ങൾ തുടങ്ങിയ ഇടങ്ങളിലാണ്​ പ്രധാനമായും നിർമാണം. രാഷ്​ട്രീയ പ്രവർത്തകരുടെ വീടുകൾ കേന്ദ്രീകരിച്ചും ബോംബ്​ നിർമാണം നടക്കാറുണ്ട്​. സ്​ഫോ​ടനം നടന്നാല്‍ പുറംലോകമറിയാതെ പൂഴ്ത്തിെവക്കുന്നതും രഹസ്യകേന്ദ്രങ്ങളില്‍ ചികിത്സിക്കുന്നതും പതിവാണ്. പൊട്ടിത്തെറിയുടെ ശബ്​ദം കേട്ടും പ്രദേശവാസികൾ അറിയിച്ചും പൊലീസ്​ സ്ഥലത്തെത്തു​േമ്പാഴേക്കും സ്​ഫോടനം നടന്നയിടത്ത്​ നിന്ന്​ സാമഗ്രികൾ മാറ്റുകയും തെളിവുകൾ നശിപ്പിക്കുകയും ചെയ്​തിരിക്കും. രാജ്യത്തുതന്നെ ഏറ്റവുമധികം രാഷ്​ട്രീയ കൊലപാതകങ്ങള്‍ നടക്കുന്ന കണ്ണൂരില്‍ വ്യാപക തോതില്‍ ബോംബ് നിര്‍മാണം നടക്കുന്നുണ്ടെന്ന്​ വിവരം ലഭിച്ചതി​ൻെറ അടിസ്ഥാനത്തിൽ പൊലീസ്​ പരിശോധന സാധാരണമാണ്​. ഒളിപ്പിച്ച ബോംബുകള്‍ അബദ്ധത്തില്‍ പൊട്ടിത്തെറിച്ച് കുട്ടികളും സ്ത്രീകളും ഉള്‍പ്പെടെയുള്ളവര്‍ക്ക് ഗുരുതര പരിക്കേറ്റ സംഭവങ്ങളും ഉണ്ടായിട്ടുണ്ട്. തലശ്ശേരി, പാനൂർ, കൂത്തുപറമ്പ് മേഖലകളിലാണ്​ പ്രധാനമായും ബോംബ്​ നിർമാണം. അതത്​ പ്രദേശത്ത്​ സ്വാധീനമുള്ള രാഷ്​ട്രീയ പാർട്ടികളെല്ലാം ബോംബ്​ നിർമിക്കുകയും സൂക്ഷിക്കുകയും ചെയ്യാറുണ്ട്​. എതിരാളികളെ ഇല്ലായ്​മ ചെയ്യാനും ഓഫിസുകളും വീടുകളും ആക്രമിക്കാനും ബോംബുകൾ ഉപയോഗിക്കുന്നു. കണ്ണൂരിലെ ചില കേന്ദ്രങ്ങളില്‍ നിന്ന് പൊലീസ് പിടിച്ചെടുത്ത ബോംബുകള്‍ പലതും സാങ്കേതിക വിദ്യയിലും സ്ഫോടന ശേഷിയിലും മാരകമായവയാണ്​. 10 വർഷങ്ങൾക്ക്​ മുമ്പ്​ ഇരിക്കൂറിലെ മലയോര പ്രദേശമായ കുടിയാന്‍മലയില്‍ സി.പി.എം നേതാവി​ൻെറ വീട്ടില്‍ ബോംബ് നിര്‍മിക്കുമ്പോള്‍ ഉണ്ടായ സ്‌ഫോടനത്തില്‍ രണ്ടുപേര്‍ മരിക്കുകയും പലര്‍ക്കും പരിക്കേൽക്കുകയും ചെയ്​തിരുന്നു. 2015 ജൂൺ ആറിന്​ പാനൂരിനടുത്ത് കൊളവല്ലൂര്‍ ചെറ്റക്കണ്ടിയിൽ രണ്ട് സി.പി.എം പ്രവര്‍ത്തകരും 2016ൽ കൂത്തുപറമ്പിനടുത്ത് കോട്ടയംപൊയിലിൽ ബി.ജെ.പി പ്രവർത്തകനും ബോംബ്​ നിർമാണത്തിനിടെ മരിച്ചിരുന്നു. കണ്ണൂർ -കോഴിക്കോട്​ അതിർത്തിയിൽ നാദാപുരം നരിക്കാട്ടേരിയിൽ ബോംബ്‌ നിർമാണത്തിനിടെ സ്ഫോടനത്തിൽ അഞ്ച് മുസ്‌ലിം ലീഗ് പ്രവർത്തകർക്ക്​ ജീവൻ നഷ്​ടമായതാണ്​ ഏറ്റവും കൂടുതൽപേർ മരിച്ച സംഭവം. ബോംബ്​ നിർമാണത്തിൽ വിദഗ്​ധ പരിശീലനം നേടിയവർ എല്ലാ പാർട്ടിയിലുമുണ്ട്​. ആവശ്യത്തിനനുസരിച്ച്​ മറ്റ്​ ജില്ലകളിലടക്കം ഇവർ ബോംബ്​ നിർമിച്ച്​ നൽകാറുണ്ട്​. നിർമാണത്തിനിടെ സ്​ഫോടനമുണ്ടായാൽ നെഞ്ചിനും വയറിനും തലക്കും പരിക്കേൽക്കുന്നത്​ തടയാൻ വലിയ മരത്തി​ൻെറയും മരബെഞ്ചി​​ൻെറയും മറവിലാണ്​ ബോംബ്​ കെട്ടുക. മറ്റ് പാർട്ടികളിലെ​ പ്രവർത്തകർക്ക്​ ബോംബ്​ നിർമാണത്തിനുള്ള പരിശീലനം നൽകുന്ന സംഘങ്ങളുമുണ്ട്​.