എലത്തൂർ ഗേറ്റ് അടക്കൽ: വിദ്യാർഥികൾ ഒപ്പുശേഖരണം നടത്തും

എലത്തൂർ: എലത്തൂർ റെയിൽവേ ഗേറ്റിലൂടെയുള്ള സഞ്ചാര സ്വാതന്ത്രം നഷ്​ടപ്പെടാതിരിക്കാൻ സംസ്ഥാന ബാലാവകാശ കമീഷന് നിവേദനം സമർപ്പിക്കാൻ വിദ്യാർഥികൾ ഒപ്പുശേഖരണം നടത്തും. ഗേറ്റ് അടക്കുന്നതോടെ ഏറെ ദുരിതത്തിലാവുക പ്രദേശത്തെ വിദ്യാർഥികളാവുമെന്നതിനാലാണ് വിദ്യാർഥികൾ ഒപ്പുശേഖരണത്തിന് ഇറങ്ങുന്നത്. ഗേറ്റ് അടച്ചാൽ ഒന്നര കിലോമീറ്ററിലേറെ ദൂരം നടന്നുവേണം വിദ്യാർഥികൾക്ക് വിദ്യാലയങ്ങളിൽ എത്താൻ. ബുധനാഴ്ച വൈകീട്ട് നാലുമണിക്കാണ് ഒപ്പുശേഖരണം നടത്തുക. ആക്​ഷൻ കമ്മിറ്റിയുടെ നേതൃത്വത്തിൽ പ്രതിരോധ നടപടികൾ നടന്നുവരുന്നതിനിടെയാണ് വിദ്യാർഥികളും പ്രതിഷേധത്തിനെത്തുന്നത്.