ലഹരി വിൽപനക്കെതിരെ നടപടി വേണം

കൊയിലാണ്ടി: നഗരത്തിൽ ലഹരി വിൽപനക്കെതിരെ നടപടിയെടുക്കണമെന്ന് ആവശ്യപ്പെട്ട് യൂത്ത് കോൺഗ്രസ് മണ്ഡലം കമ്മിറ്റി എക്സൈസ് ഇൻസ്​പെക്ടർക്ക് പരാതി നൽകി. സ്കൂൾ, കോളജ് വിദ്യാർഥികളെ ലക്ഷ്യംവെച്ച് വലിയ രീതിയിലുള്ള മയക്കുമരുന്ന് കച്ചവടമാണ് നടക്കുന്നത്. മേൽപാലത്തി​‍ൻെറ കോണിപ്പടികൾ, ആളൊഴിഞ്ഞ വീട്‌ എന്നിവ കേന്ദ്രീകരിച്ചാണ് പ്രവർത്തനം. എക്സൈസ് നേതൃത്വത്തിൽ നടപടികളം ബോധവത്​കരണ പരിപാടികളും നടത്തണമെന്ന്​ അമൽ കൃഷ്ണ ദ്വാരക, സജിത്ത് കാവുംവട്ടം, ഷാനിഫ് കണയംങ്കോട് എന്നിവർ നൽകിയ പരാതിയിൽ ആവശ്യപ്പെട്ടു.