ബ്ലോക്ക് പഞ്ചായത്ത് ഗ്രാമസഭ

കൊടുവള്ളി: ബ്ലോക്ക് പഞ്ചായത്ത് ഗ്രാമസഭ സംഘടിപ്പിച്ചു. പ്രസിഡൻറ് തോമസ് കളത്തൂർ ഉദ്ഘാടനം ചെയ്തു. തിരുവമ്പാടി, കോടഞ്ചേരി, പുതുപ്പാടി, കട്ടിപ്പാറ, കൂടരഞ്ഞി എന്നിവിടങ്ങളിലെ വനാതിർത്തികളിൽ സംരക്ഷണ വേലി നിർമിക്കണമെന്ന്​ ഗ്രാമസഭ പ്രമേയം വഴി സംസ്ഥാന സർക്കാറിനോട് ആവശ്യപ്പെട്ടു. മുള്ളൻപന്നി, കാട്ടുപന്നി എന്നിവയെ ഉന്മൂലനം ചെയ്യാൻ കർഷകരെ അനുവദിക്കണമെന്നും ആവശ്യപ്പെട്ടു. വൈസ് പ്രസിഡൻറ് സലീന സിദ്ദീഖലി അധ്യക്ഷത വഹിച്ചു. ടി.എം.രാധാകൃഷ്ണൻ, കെ.പി.സുനീർ, എസ്.പി. ഷഹന ,ഗ്രാമപഞ്ചായത്ത് പ്രസിഡൻറുമാരായ പി.പി.നസ്റി കിഴക്കോത്ത്, അലക്സ് കോടഞ്ചേരി, ജെ.ടി.അബ്​ദുറഹിമാൻ താമരശ്ശേരി, നിധീഷ് കല്ലുള്ളതോട് എന്നിവർ സംസാരിച്ചു.