കൈതപ്രത്തിന് എ.ഐ.സി.സിയുടെ ആദരം

കോഴിക്കോട്: പത്മശ്രീ പുരസ്‌കാരം നേടിയ കൈതപ്രം ദാമോദരന്‍ നമ്പൂതിരിക്ക് അഖിലേന്ത്യ കോണ്‍ഗ്രസ് കമ്മിറ്റിയുടെ സ്‌നേഹാദരം. എ.ഐ.സി.സിയുടെ 'പ്രതിഭാദരം' പരിപാടിയുടെ ഭാഗമായി സെക്രട്ടറി പി.വി. മോഹന​‍ൻെറ നേതൃത്വത്തിലുള്ള പ്രതിനിധികള്‍ കൈതപ്രത്തി​‍ൻെറ വീട്ടിലെത്തിയാണ് ആദരമര്‍പ്പിച്ചത്. പി.വി. മോഹനന്‍ പൊന്നാട അണിയിച്ച് ഉപഹാരം സമര്‍പ്പിച്ചു. ഡി.സി.സി പ്രസിഡൻറ്​​ യു. രാജീവന്‍, കെ.പി.സി.സി സെക്രട്ടറി വി. ബാബുരാജ്, പ്രതിഭാദരം സംസ്ഥാന കോഓഡിനേറ്റര്‍ എം.എ. ഷഹനാസ് എന്നിവര്‍ സംബന്ധിച്ചു.