വ്യാപാരി വ്യവസായി സമിതി ഓഫിസ്​ ഉദ്​ഘാടനവും ആദരിക്കലും

കോവൂർ: വ്യാപാരി വ്യവസായി സമിതി കോവൂർ യൂനിറ്റ് ഓഫിസ് ഉദ്​ഘാടനവും ആദരിക്കൽ ചടങ്ങും മേയർ ഡോ. ബീന ഫിലിപ്പ് ഉദ്​ഘാടനം ചെയ്തു. യൂനിറ്റ് പ്രസിഡൻറ്​ ഫൈസൽ കോവൂർ അധ്യക്ഷത വഹിച്ചു. വേൾഡ് ബിസിനസ്​ ഏഞ്ചൽസ് ഇൻവെസ്​റ്റ്​മൻെറ്​ ഫോറത്തി​‍ൻെറ ഇന്ത്യൻ സെനറ്ററായി തിരഞ്ഞെടുക്കപ്പെട്ട ഹാരിസ് എം. കോവൂരിന്​ മേയർ ഉപഹാരം നൽകി. വാർഡ് കൗൺസിലർമാരായ സോമൻ, ഡോ.അജിത, മോഹനൻ, സുരേഷ്‌കുമാർ, മുൻ മേയർ എം.എം. പത്മാവതി എന്നിവരെ പൊന്നാടയണിയിച്ചു. ഡെപ്യൂട്ടി മേയർ മുസഫർ അഹമ്മദ് യൂനിറ്റി​‍ൻെറ സഹായ വിതരണം നടത്തി. 1971ൽ സംസ്ഥാനതലത്തിൽ നടത്തിയ സൈക്കിൾ ചവിട്ട് മത്സരത്തിൽ ഒന്നാംസ്ഥാനം നേടിയ മൂസയെ ഡെപ്യൂട്ടി മേയർ ആദരിച്ചു. വ്യാപാരി വ്യവസായി സമിതി ജില്ല പ്രസിഡൻറ്​ സൂര്യ ഗഫൂർ, സി.കെ. വിജയൻ, മുഹമ്മദ് ഇക്ബാൽ, മരക്കാർ എന്നിവർ സംസാരിച്ചു. ജനറൽ സെക്രട്ടറി ഹസ്സൻകോയ സ്വാഗതവും പി.വി. മുജീബ് റഹ്​മാൻ നന്ദിയും പറഞ്ഞു. vyapari samithi വേൾഡ് ബിസിനസ്​ ഏഞ്ചൽസ് ഇൻവെസ്​റ്റ്​മൻെറ്​ ഫോറത്തി​‍ൻെറ ഇന്ത്യൻ സെനറ്ററായി തിരഞ്ഞെടുക്കപ്പെട്ട ഹാരിസ് എം. കോവൂരിന് വ്യാപാരി വ്യവസായി സമിതിയുടെ ഉപഹാരം മേയർ ഡോ.ബീന ഫിലിപ്പ്​ സമ്മാനിക്കുന്നു