കാർഷിക യന്ത്രവത്കരണ പരിശീലനം

ചേളന്നൂർ: കാർഷിക യന്ത്രവത്കരണം പ്രോത്സാഹിപ്പിക്കുന്നതിന് മലബാർ ടാസ്​ക്​ ഫോഴ്സി‍ൻെറ പരിശീലന പരിപാടി ആരംഭിച്ചു. ചേളന്നൂർ ഗ്രാമപഞ്ചായത്ത് പ്രസിഡൻറ് പി.പി. നൗഷീർ ഉദ്ഘാടനം ചെയ്തു. ജില്ല പഞ്ചായത്ത് അംഗം എളേടത്ത് ശശീന്ദ്രൻ അധ്യക്ഷത വഹിച്ചു. വികസന സ്​റ്റാൻഡിങ് കമ്മിറ്റി ചെയർപേഴ്സൻ ടി. സുരേഷ് മാസ്​റ്റർ, സംസ്ഥാന കാർഷിക യന്ത്രവത്കരണ മിഷൻ സി.ഇ.ഒ ഡോ. ജയകുമാരൻ, കൃഷി അസിസ്​റ്റൻറ്​ ഡയറക്ടർ കെ.ജി. ഗീത, കൃഷി ഡെപ്യൂട്ടി ഡയറക്ടർ രമാദേവി, ചേളന്നൂർ കൃഷി ഓഫിസർ ടി. ദിലീപ് കുമാർ എന്നിവർ സംസാരിച്ചു. കണ്ണങ്കര ചൊല്ലിപ്പുറം വയലിൽ 30 എക്കർ സ്ഥലത്ത് നടക്കുന്ന പരിശീലന പരിപാടി ഒരുമാസം നീണ്ടു നിൽക്കും.