കാർ താഴ്ചയിലേക്ക് മറിഞ്ഞു

ഉള്ള്യേരി: കോഴിക്കോട് റോഡിൽ മാമ്പൊയിൽ കാർഗിൽ ബസ്​സ്​റ്റോപ്പിന് സമീപം കാർ താഴ്ചയിലേക്ക് മറിഞ്ഞു. കാർ ഓടിച്ചിരുന്നയാൾ പരിക്കേൽക്കാതെ രക്ഷപ്പെട്ടു. വെള്ളിയാഴ്ച വൈകീട്ട് നാലുമണിയോടെയാണ് സംഭവം. കോഴിക്കോട് ഭാഗത്തുനിന്നും വരുകയായിരുന്ന കാർ ടയർ പൊട്ടിയതിനെ തുടർന്ന് നിയന്ത്രണം വിട്ട് താഴ്ചയിലേക്ക് മറിയുകയായിരുന്നു. മുമ്പും ഇവിടെ വാഹനങ്ങൾ അപകടത്തിൽപെട്ടിട്ടുണ്ട്. ഇറക്കവും വളവുമുള്ള ഈ ഭാഗത്ത് റോഡിനു പാർശ്വഭിത്തി ഇല്ലാത്തത് അപകടസാധ്യത വർധിപ്പിക്കുന്നുണ്ട്.