ബാലുശ്ശേരി സി.ഐയെ അനുമോദിച്ചു

ബാലുശ്ശേരി: കേരളത്തിൽ ഏറെ കോളിളക്കം സൃഷ്​ടിച്ച കൂടത്തായി കേസ്​ അന്വേഷണ മികവിന് കേരള പോലീസിലെ ഉന്നത ബഹുമതികളിലൊന്നായ ഡി.ജി.പിയുടെ ബാഡ്ജ് ഓഫ് ഓണർ ലഭിച്ച ബാലുശ്ശേരി പൊലീസ് സ്​റ്റേഷനിലെ ഇൻസ്പെക്ടർ എസ്.എച്ച്.ഒ ജീവൻ ജോർജിനെ അനുമോദിച്ചു. ബാലുശ്ശേരി പൊലീസ് സ്​റ്റേഷനിൽ നടന്ന അനുമോദന സദസ്സിൽ താമരശ്ശേരി ഡിവൈ.എസ്.പി. ഇ.പി. പൃഥിരാജ്​ ഉപഹാരം നൽകി. വർഷങ്ങളായി ചാരം മൂടി കിടന്ന കുറ്റകൃത്യത്തെ വെളിച്ചത്ത് കൊണ്ടുവരാൻ കാരണക്കാരനായ ഇൻസ്പെക്ടറുടെ അർപ്പണബോധം പ്രചോദനമാകുമെന്ന് ഡിവൈ.എസ്.പി ഓർമപ്പെടുത്തി. കേരള പൊലീസ് അസോസിയേഷൻ ജില്ല പ്രസിഡൻറ്​ കെ.കെ. ഗിരീഷ് അധ്യക്ഷത വഹിച്ചു. സ്​റ്റേഷൻ എസ്.ഐ കെ.പ്രജീഷ്, കെ.പി.ഒ.എ ജില്ല സെക്രട്ടറി എം. നാസർ, കെ.പി.എ ജില്ല സെക്രട്ടറി ജി.പി. അഭിജിത്ത്, എസ്.ഐ എം.കെ. സജു, അരവിന്ദൻ എന്നിവർ സംസാരിച്ചു. എ.എസ്.ഐ ഗംഗാധരൻ സ്വാഗതവും എസ്.ഐ ദിനേഷ് നന്ദിയും പറഞ്ഞു.