റോഡ്​ വികസനത്തിന് ഭരണാനുമതി

കൊടുവള്ളി: നിയോജക മണ്ഡലത്തിലെ റോഡുകളുടെ ആധുനികരീതിയിലുള്ള നവീകരണത്തിന് 4.5 കോടി രൂപയുടെ പദ്ധതികൾക്ക് സർക്കാർ ഭരണാനുമതി ലഭിച്ചു. നരിക്കുനി-പൂനൂർ റോഡ് നവീകരണത്തിന് മൂന്നുകോടി രൂപയുടെ പദ്ധതിക്കും. പടനിലം നരിക്കുനി റോഡിന് 1.5 കോടി രൂപയുടെ പദ്ധതിക്കുമാണ് ഭരണാനുമതിയായത്. നരിക്കുനി-പൂനൂർ റോഡിന് 9.65 കിലോമീറ്റർ നീളത്തിലും നരിക്കുനി-പടനിലം റോഡ് 5.1 കിലോമീറ്റർ നീളത്തിലും ആധുനിക സാങ്കേതിക വിദ്യയിൽ നവീകരിക്കുന്നതിനാണ് സർക്കാർ തുക അനുവദിച്ചതെന്ന് കാരാട്ട് റസാഖ് എം.എൽ.എ അറിയിച്ചു.