സത്യപ്രതിജ്ഞ ചെയ്തു

പേരാമ്പ്ര: പേരാമ്പ്ര ഗ്രാമപഞ്ചായത്തില്‍ സത്യപ്രതിജ്ഞ ചെയ്യാനുണ്ടായിരുന്ന മൂന്നു യു.ഡി.എഫ് അംഗങ്ങളും വെള്ളിയാഴ്ച സത്യപ്രതിജ്ഞ ചെയ്ത് അധികാരമേറ്റു. എട്ടാം വാര്‍ഡ് അംഗം പി.കെ. രാഗേഷ്, 11ാം വാര്‍ഡിലെ യു.സി. അനീഫ, 16ാം വാര്‍ഡിലെ അർജുന്‍ കട്ടയാട്ട് എന്നിവരാണ് സത്യപ്രതിജ്ഞ ചെയ്തത്. ഗ്രാമപഞ്ചായത് പ്രസിഡൻറ്​ വി.കെ. പ്രമോദ് സത്യവാചകം ചൊല്ലിക്കൊടുത്തു. പൊലീസ് സ്​റ്റേഷൻ ആക്രമിച്ചെന്ന കേസുള്ളതിനാൽ ഡിസംബര്‍ 21 ന് സത്യപ്രതിജ്ഞ ചെയ്യാൻ യു.ഡി.എഫ് അംഗങ്ങള്‍ക്ക് കഴിഞ്ഞിരുന്നില്ല. പിന്നീട് മൂന്ന് അംഗങ്ങളും 14 ദിവസം റിമാൻറിലായി. എന്നാൽ, കേസില്ലാത്ത ലീഗിലെ രണ്ട്​ അംഗങ്ങള്‍ സത്യപ്രതിജ്ഞ ചെയ്തു. വരണാധികാരി ബിജു പറമ്പത്ത് കിഴക്കയിലി​‍ൻെറ സാന്നിധ്യത്തില്‍ ഗ്രാമപഞ്ചായത്ത് പ്രസിഡൻറ്​ ആദ്യം പി.കെ. രാഗേഷിനും തുടര്‍ന്ന് യു.സി. അനീഫ, അർജുന്‍ കട്ടയാട്ട് എന്നിവര്‍ക്കും സത്യവാചകം ചൊല്ലിക്കൊടുത്തു. പ്രസിഡൻറ്​ വി.കെ. പ്രമോദ്, രാജന്‍ മരുതേരി, പുതുക്കുടി അബ്​ദുറഹിമാന്‍, പി.ജെ. തോമസ്, മുന്‍ അംഗങ്ങളായ ആര്‍.കെ. രജീഷ് കുമാര്‍, കെ.പി. യൂസുഫ്, വ്യാപാരി വ്യവസായി ഏകോപന സമിതി യൂനിറ്റ് വൈസ് പ്രസിഡൻറ്​ ആര്‍.കെ. മൂസ എന്നിവര്‍ സംസാരിച്ചു.