തീപിടിത്തം: ഫോറന്‍സിക് പരിശോധന നടത്തി

വടകര: ലോകനാര്‍കാവില്‍ പ്രവര്‍ത്തിക്കുന്ന സിവില്‍ സ​െപ്ലെസ്​ ഗോഡൗണില്‍ തീപിടിത്തം നടന്ന സാഹചര്യത്തില്‍, അവശേഷിക്കുന്ന ഭക്ഷ്യോല്‍പന്നങ്ങൾ ഉള്‍പ്പെടെയുള്ളവയുടെ കണക്കെടുപ്പുകള്‍ തുടരുകയാണ്. കൃത്യമായ നഷ്​ടം മനസ്സിലാക്കണമെങ്കില്‍ തിങ്കളാഴ്ചവരെ കാത്തിരിക്കണമെന്നാണ് അധികൃതര്‍ നല്‍കുന്ന സൂചന. ഒരു കോടിയിൽപരം രൂപയുടെ നഷ്​ടമുണ്ടായതായി തന്നെയാണ് വിലയിരുത്തല്‍. ഇതിനിടെ, ഫോറന്‍സിക്, ഇലക്ട്രിക്കല്‍ ഇന്‍സ്പെക്ടറേറ്റ് എന്നീ വിഭാഗം ജീവനക്കാര്‍ സ്​ഥലത്തെത്തി പരിശോധന നടത്തി. ഇരു സംഘവും അന്വേഷണ റിപ്പോര്‍ട്ട് വരും ദിവസം പൊലീസിന്​ നല്‍കും. അവശേഷിക്കുന്ന ഉല്‍പന്നങ്ങളെ കുറിച്ച് മനസ്സിലാക്കുന്നതിനായി ക്വാളിറ്റി കണ്‍ട്രോള്‍ വിഭാഗം ഗുണനിലവാര പരിശോധന തുടരുകയാണ്. സ്​റ്റാൻഡിങ് കമ്മിറ്റി തെരഞ്ഞെടുപ്പില്‍ ഒത്തുകളിയെന്ന് അഴിയൂര്‍: പഞ്ചായത്ത് ഭരണസമിതിയില്‍ വിവിധ സ്​റ്റാൻഡിങ് കമ്മിറ്റി ചെയര്‍പേഴ്സണ്‍ സ്ഥാനത്തേക്കുള്ള തെരഞ്ഞെടുപ്പില്‍ എസ്.ഡി.പി.ഐ-ഇടതുമുന്നണി ഒത്തുകളിയെന്ന് ജനകീയ മുന്നണിയുടെ ആക്ഷേപം. ആരോഗ്യ സ്​റ്റാൻഡിങ്​ കമ്മിറ്റി ചെയര്‍പേഴ്സണ്‍ സ്ഥാനത്തേക്ക് നടന്ന മത്സരത്തില്‍ എസ്.ഡി.പി.ഐ അംഗത്തി​ൻെറ പിന്തുണയോടെ എല്‍.ഡി.എഫിലെ രമ്യ കാരോടി തെരഞ്ഞെടുക്കപ്പെട്ടു. വികസന സ്​റ്റാൻഡിങ്​ കമ്മിറ്റിയിലേക്കും ക്ഷേമകാര്യ സ്​റ്റാൻഡിങ്​ കമ്മിറ്റിയിലേക്കും നടന്ന തെരഞ്ഞെടുപ്പില്‍ നറുക്കെടുപ്പിലൂടെ ജനകിയ മുന്നണിയിലെ അനിഷ ശ്രീജേഷും അബ്​ദുൽ റഹീമും തെരഞ്ഞെടുക്കപ്പെട്ടു. പഞ്ചായത്ത് പ്രസിഡൻറ്​ തെരഞ്ഞെടുപ്പിലും എസ്.ഡി.പി.ഐ പിന്തുണ എല്‍.ഡി.എഫിന് നല്‍കിയിരുന്നു. തുടര്‍ന്ന്, നറുക്കെടുപ്പിലൂടെയാണ് ജനകീയമുന്നണിയിലെ ആയിഷ ഉമ്മര്‍ പ്രസിഡൻറായത്.