ഫീസിളവ്​ നൽകുന്നുണ്ട്​; ആരോപണങ്ങൾ അടിസ്​ഥാനരഹിതം -പ്രസ്​റ്റീജ് സ്കൂൾ മാനേജ്മെൻറ്

ഫീസിളവ്​ നൽകുന്നുണ്ട്​; ആരോപണങ്ങൾ അടിസ്​ഥാനരഹിതം -പ്രസ്​റ്റീജ് സ്കൂൾ മാനേജ്മൻെറ് കോഴിക്കോട്​: അമിതമായ ഫീസ് ഈടാക്കുന്നെന്ന ആരോപണങ്ങൾ നിഷേധിച്ച് മാങ്കാവ്​ പ്രസ്​റ്റീജ് പബ്ലിക് സ്കൂൾ മാനേജ്മൻെറ്​. നിലവിലെ സാഹചര്യവും രക്ഷിതാക്കൾ അഭിമുഖീകരിക്കാനിടയുള്ള സാമ്പത്തിക പ്രതിസന്ധിയും മുഖവിലക്കെടുത്ത് കെ.ജി സെക്ഷനിൽ 40 ശതമാനവും ഒന്നു മുതൽ നാലുവരെ ക്ലാസുകൾക്ക്​ 27.5 ശതമാനവും അഞ്ചുമുതൽ പ്ലസ്​ടു ക്ലാസുകൾക്ക് 22.5 ശതമാനവും ഇളവ് നൽകിയിട്ടുണ്ടെന്നും സ്​കൂൾ മാനേജ്​മൻെറ്​ പ്രതിനിധികൾ വാർത്തസമ്മേളനത്തിൽ അറിയിച്ചു. ഫീസ്​ മൂന്ന്​ ഗഡുക്കൾ എന്നത് നാലാക്കിയിട്ടുണ്ട്​. 2018-2019 അധ്യയന വർഷത്തെ ഫീസുൾപ്പെടെ അടക്കാത്ത വിദ്യാർഥികൾ നിലവിലുണ്ട്. സ്കൂൾ നടത്തിപ്പിനും ഓൺലൈൻ ക്ലാസിനാവശ്യമായ സ്​റ്റുഡിയോ, അധ്യാപകരുടെ വേതനം എന്നിവക്കും പണം ആവശ്യമാണ്. അത്തരമൊരു സാഹചര്യത്തിലാണ് ഒരു ഗഡു ഫീസ് പോലും അടക്കാത്തവരെ ഡീലിങ്ക് ചെയ്തത്. രണ്ടാം ക്ലാസ്​ വരെയുള്ള കുട്ടികളെ ഇതിൽ ഉൾപ്പെടുത്തിയിട്ടില്ല. രക്ഷിതാക്കൾ നേരി​െട്ടത്തി പ്രിൻസിപ്പലിനെ കണ്ട്​ ഇളവ് ആവശ്യപ്പെട്ടാൽ അനുവദിക്കാമെന്ന്​ മാനേജ്മൻെറ്​ അറിയിച്ചതാണ്. എന്നാൽ, അതിനു തയാറാവാതെ പ്രക്ഷോഭങ്ങൾ സംഘടിപ്പിക്കുന്നത് മറ്റു ലക്ഷ്യങ്ങൾ മുന്നിൽകണ്ടാണ്​. പ്രിൻസിപ്പൽ വി.പി. ഷാഹിറ ഭാനു, സെക്രട്ടറി പി.എസ്. ഹസൻ കോയ, ജോയൻറ്​ സെക്രട്ടറി ബി.വി. ജാഫർ ബറാമി, പി.ടി.എ. പ്രസിഡൻറ്​ മുഹമ്മദ്‌ ഹാഫിസ് എന്നിവർ വാർത്തസമ്മേളനത്തിൽ പ​ങ്കെടുത്തു.