സംരക്ഷണഭിത്തി തകർന്ന് വീടിന് നാശനഷ്​ടം

കൊയിലാണ്ടി: കഴിഞ്ഞ ദിവസമുണ്ടായ കനത്ത മഴയെ തുടർന്ന് അയൽവാസിയുടെ സ്ഥലത്തി​‍ൻെറ സംരക്ഷണഭിത്തി തകർന്ന് വീടിനു നാശം. അരിക്കുളം മീത്തലെപള്ളിക്കൽ എൻ.കെ. ഉണ്ണികൃഷ്ണ​‍ൻെറ രണ്ടു മാസം മുമ്പ് ഗൃഹപ്രവേശനം നടന്ന ഇരുളാട്ട് മീത്തൽ വീടിനാണ് കേടുപറ്റിയത്. സംരക്ഷണഭിത്തി തകർന്ന് കരിങ്കല്ലും മണ്ണുമുൾപ്പെടെ വീടി​‍ൻെറ ചുമരിലും തറയിലും പതിച്ചാണ് നഷ്​ടമുണ്ടായത്.