ആദ്യം എതിർക്കേണ്ടത്​ കരിനിയമം ചാർത്തിയ നടപടിയെന്ന്​ അല​‍െൻറ മാതാവ്​

ആദ്യം എതിർക്കേണ്ടത്​ കരിനിയമം ചാർത്തിയ നടപടിയെന്ന്​ അല​‍ൻെറ മാതാവ്​ കോഴിക്കോട്​: യു.എ.പി.എ എന്ന കരിനിയമം അലൻ ഷുഹൈബി​‍ൻെറയും താഹ ഫസലി​‍ൻെറയും ​േമൽ ചാർത്തിയ സംസ്ഥാന സർക്കാറി​‍ൻെറ നടപടിയാണ്​ ആദ്യം എതിർക്കേണ്ടതെന്ന്​ അല​‍ൻെറ മാതാവ്​ സബിത ശേഖർ. കോടതിയും നടപടികളും പിന്നീടുണ്ടായതാണെന്നും താഹയുടെ ജാമ്യം റദ്ദാക്കിയതുമായി ബന്ധപ്പെട്ട്​ സബിത ഫേസ്​ബുക്കിൽ കുറിച്ചു. 'അലൻ താഹയുടെ അമ്മയല്ലേ?' എന്നാണ്​ കഴിഞ്ഞ കുറച്ചു മാസമായി പലരും എന്നോട് ചോദിക്കുന്നത്. അതെ അവർ ഒന്നായി മാറിയിരുന്നു. അലൻ പറഞ്ഞതുപോലെ ഈ താൽക്കാലിക വേർപിരിയൽ വേദനജനകമാണ്. വിധി വന്നതിനു ശേഷം ഒരു മരവിപ്പാണ്. ഒന്നും ചെയ്യാനും ചിന്തിക്കാനും സാധിക്കുന്നില്ല -സബിത എഴുതി. അലന് ഇപ്പോൾ ജാമ്യം നിഷേധിച്ചിട്ടില്ല എന്നതുകൊണ്ട് ഒരു സന്തോഷവുമില്ലെന്ന്​ സബിത പറഞ്ഞു. അത്രമാത്രം സ്വാർഥയാവാൻ തനിക്ക് കഴിയില്ല. ജീവിതത്തിലെ എല്ലാ കൗതുകങ്ങളും സന്തോഷങ്ങളും നഷ്​ടപ്പെട്ടിരിക്കുന്നു. ഇത്രയെങ്കിലും എഴുതിയിട്ടില്ലെങ്കിൽ താൻ ജീവിച്ചിരിക്കുന്നതായി തോന്നില്ലെന്നും സബിത കൂട്ടി​േച്ചർത്തു.