ജെ.സി.ഐ ചികിത്സ സഹായം കൈമാറി

കൊടിയത്തൂർ: കാൻസർ രോഗം ബാധിച്ച് പ്രയാസത്തിലായ കൊടിയത്തൂർ സ്വദേശി നദിയ- അനസ് ദമ്പതികളുടെ ചികിത്സക്കായി മുക്കം ജെ.സി.ഐ സമാഹരിച്ച സഹായം കൈമാറി. കൊടിയത്തൂർ പഞ്ചായത്ത് പ്രസിഡൻറ​്​ ഷംലൂലത്ത് അനസിനാണ് ചികിത്സ സഹായം കൈമാറിയത്. വാർഡ് അംഗങ്ങളായ ടി.കെ. അബൂബക്കർ മാസ്​റ്റർ, ഫസൽ കൊടിയത്തൂർ, മജീദ് റിഹല, ജെ.സി.ഐ പ്രസിഡൻറ്​ സി.ടി. ശ്രീജിത്ത്, സെക്രട്ടറി ജിനോജ്‌ കുരുവിള, സോൺ ഓഫിസർ ആസാദ് മുക്കം, മൻസൂർ കമ്പളവൻ, അഭിലാഷ് ദാസ് എന്നിവർ സംബന്ധിച്ചു.