കാക്കകൾ കൂട്ടത്തോടെ ചത്തനിലയിൽ

ഓമശ്ശേരി: പക്ഷിപ്പനി ഭീതിക്കിടയിൽ പൂളപ്പൊയിലിൽ കാക്കകൾ കൂട്ടത്തോടെ ചത്തത് ആശങ്ക പരത്തി. പൂളപ്പൊയിൽ കിഴക്കേ കണ്ടി ശരീഫി​‍ൻെറ വീടി​‍ൻെറ പരിസരത്താണ്​ വ്യാഴാഴ്​ച കൂട്ടത്തോടെ കാക്കകൾ ചത്തനിലയിൽ കാണപ്പെട്ടത്. പക്ഷിപ്പനിയാണെന്ന ആശങ്ക മൂലം നാട്ടുകാർ വിവരം ആരോഗ്യവകുപ്പ്, മൃഗ സംരക്ഷണ വകുപ്പ് തുടങ്ങിയവരെ അറിയിച്ചു. തുടർന്ന് ഉദ്യോഗസ്ഥരെത്തി സാമ്പ്​ൾ പരിശോധനക്ക്​ കൊണ്ടുപോയി. പരിശോധന ഫലം വെള്ളിയാഴ്​ച ലഭ്യമാകും. ആശങ്കപ്പെടേണ്ടതില്ലെന്ന് ആരോഗ്യവകുപ്പ് അധികൃതർ അറിയിച്ചു.