കർഷക സമരത്തിന് ഐക്യദാർഢ്യം

തിരുവള്ളൂർ: കർഷകവിരുദ്ധ കാർഷിക ബില്ലുകൾ പിൻവലിക്കണമെന്നാവശ്യപ്പെട്ട് തലസ്ഥാന നഗരിയിൽ സമരം ചെയ്യുന്ന കർഷകർക്ക് ഐക്യദാർഢ്യം പ്രഖ്യാപിച്ച് കോട്ടപ്പള്ളി ടൗണിൽ കലാ സാംസ്കാരിക സായാഹ്നം സംഘടിപ്പിച്ചു. കർഷകസംഘം കോട്ടപ്പള്ളി വില്ലേജ് കമ്മിറ്റിയുടെ ആഭിമുഖ്യത്തിൽ നടന്ന പ്രതിഷേധ ജ്വാല കർഷകസംഘം വടകര ഏരിയ കമ്മിറ്റി പ്രസിഡൻറ്​ ബലറാം മാസ്​റ്റർ ഉദ്ഘാടനം ചെയ്തു. വി. ഹംസ, എൽ.വി. രാമകൃഷ്ണൻ, ആർ.കെ. ചന്ദ്രൻ, എ. മോഹനൻ മാസ്​റ്റർ, പി.കെ. ശ്രീധരൻ തുടങ്ങിയവർ സംബന്ധിച്ചു. സാംസ്കാരിക പരിപാടികൾ അരങ്ങേറിയ ചടങ്ങിൽ ഫോക്​ലോർ അവാർഡ് ജേതാവ് പാട്ടുപുര നാണുവിനെ ആദരിച്ചു.