പുലിമുട്ട് ബീച്ച് നവീകരണം: ബേപ്പൂരി​‍െൻറ മുഖച്ഛായ മാറും

പുലിമുട്ട് ബീച്ച് നവീകരണം: ബേപ്പൂരി​‍ൻെറ മുഖച്ഛായ മാറും ബേപ്പൂർ: പുലിമുട്ട് ബീച്ച് നവീകരണ പദ്ധതി പൂർത്തിയാകുന്നതോടെ ബേപ്പൂരി​‍ൻെറ മുഖച്ഛായ മാറും. സഞ്ചാരികളെ കൂടുതൽ ആകർഷിക്കുന്നതിനായി വിവിധങ്ങളായ പദ്ധതികളാണ് നവീകരണത്തി​‍ൻെറ ഒന്നാംഘട്ടത്തിൽ ഉൾപ്പെടുത്തിയിട്ടുള്ളത്. പ്രാചീനകാലത്തുതന്നെ ബേപ്പൂരിനെ പ്രശസ്തിയിലേക്ക് ഉയർത്തിയ ഉരു നിർമാണത്തി​‍ൻെറ മഹിമ വിളിച്ചോതുന്ന 'ഉരു മ്യൂസിയം', ബോട്ടുകളുടെയും ചെറുതോണികളുടെയും കപ്പലുകളുടെയും ഇടകലർന്നുള്ള സഞ്ചാരം പകർത്തുന്നതിന് സൗകര്യപ്രദമായ രൂപത്തിലുള്ള സെൽഫി പോയൻറ്​, ജല ടൂറിസം, അലങ്കാര വിളക്കുകൾ സ്ഥാപിക്കൽ, തണൽ മരങ്ങൾ വെച്ചുപിടിപ്പിക്കൽ, നിലവിലുള്ള ഇരിപ്പിടങ്ങൾ കൂടുതൽ സൗകര്യപ്പെടുത്തൽ, പ്രധാന കവാടം മുതൽ ബീച്ച് വരെ നടപ്പാതയോടുകൂടിയ റോഡ് നവീകരണം, റസ്​റ്റാറൻറ് എന്നിവ ഒരുക്കും. പഴയ കഫറ്റീരിയ കെട്ടിടവും സുരക്ഷ ജീവനക്കാരുടെ മുറിയും ശുചിമുറിയും പൊളിച്ചുമാറ്റി കൂടുതൽ സൗകര്യപ്രദമായ കെട്ടിട സമുച്ചയം നിർമിക്കും. കൂടാതെ, ബേപ്പൂർ തുറമുഖവുമായി ബന്ധപ്പെടുത്തി ക്രൂയിസ് കപ്പൽ സർവിസിനും വാട്ടർ ടൂറിസത്തിനും പദ്ധതിയുണ്ട്. ഹാർബർ എൻജിനീയറിങ് വകുപ്പി​‍ൻെറ മേൽനോട്ടത്തിൽ ഒമ്പതു മാസംകൊണ്ടു പൂർത്തീകരിക്കാനാണ് ഉദ്ദേശിക്കുന്നത്. ചാലിയാർപുഴ കടലിലേക്ക് സംഗമിക്കുന്ന 'അഴിമുഖം' കേന്ദ്രീകരിച്ചുള്ള, 'ബേപ്പൂർ പുലിമുട്ട് ബീച്ച് ടൂറിസം പദ്ധതി'യുടെ പ്രവൃത്തികൾ പൂർത്തിയാകുമ്പോൾ, സഞ്ചാരികൾക്ക് കുളിർമയേകുന്ന വിവിധങ്ങളായ കാഴ്ചകളായിരിക്കും സമ്മാനിക്കുക. വിശാലമായ അറബിക്കടലി​‍ൻെറ മധ്യത്തിലേക്ക് ഒരു കിലോമീറ്റർ നീളത്തിൽ ഭീമൻ കരിങ്കല്ലുകളാൽ നിർമിച്ച പുലിമുട്ട് നടപ്പാതയാണ് നിലവിലെ പ്രധാന ആകർഷണം.